ഇത് മോഹന്‍ലാലിന്റെ ഒറിജിനല്‍ ലുക്കോ?

രോമാഞ്ചം, ആവേശം എന്നീ ഹിറ്റ് സിനിമകള്‍ക്കു ശേഷം ജിത്തു മാധവന്‍ സംവിധാനം ചെയ്യുന്ന സിനിമയില്‍ മോഹന്‍ലാല്‍ നായകനാകുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. ഈ സിനിമയിലെ മോഹന്‍ലാലിന്റെ ലുക്ക് ആണെന്നു പറഞ്ഞ് ഒരു ചിത്രം സോഷ്യല്‍ മീഡിയയില്‍ ചര്‍ച്ചയായിട്ടുണ്ട്. യഥാര്‍ഥത്തില്‍ ഈ ചിത്രത്തിനു ജിത്തു മാധവന്‍ സിനിമയുമായി യാതൊരു ബന്ധവുമില്ല.

മോഹന്‍ലാലിന്റെ ഒരു ആരാധകന്‍ സാങ്കേതിക വിദ്യയുടെ സഹായത്താല്‍ ചെയ്ത ചിത്രമാണിത്. താടിയില്ലാത്തെ മീശ പിരിച്ച് വളരെ മാസായാണ് ലാലിനെ ഈ ചിത്രത്തില്‍ കാണുന്നത്. ഒറ്റ ലുക്കില്‍ തന്നെ ഒറിജിനല്‍ അല്ലെന്നു വ്യക്തമാകുന്ന ചിത്രമാണിത്.

അതേസമയം ജിത്തു മാധവന്‍-മോഹന്‍ലാല്‍ ചിത്രം ശ്രീ ഗോകുലം മൂവീസ് ആയിരിക്കും നിര്‍മിക്കുക. അടുത്ത വര്‍ഷം ചിത്രീകരണം ആരംഭിക്കുമെന്നാണ് വിവരം.