Mammootty and Mohanlal
നീണ്ട ഇടവേളയ്ക്കു ശേഷം മമ്മൂട്ടിയും മോഹന്‍ലാലും ഒന്നിക്കുന്ന സിനിമയുടെ ചിത്രീകരണം ഉടന്‍ ആരംഭിക്കും. മഹേഷ് നാരായണന്‍ സംവിധാനം ചെയ്യുന്ന ചിത്രത്തില്‍ മമ്മൂട്ടിയാണ് കേന്ദ്ര കഥാപാത്രത്തെ അവതരിപ്പിക്കുന്നത്. മോഹന്‍ലാല്‍ സുപ്രധാന കാമിയോ റോളില്‍ എത്തും. ആസിഫ് അലി, കുഞ്ചാക്കോ ബോബന്‍ എന്നിവരും ഈ സിനിമയുടെ ഭാഗമാകുമെന്നാണ് വിവരം.
നവാഗതനായ ജിതിന്‍ കെ ജോസ് സംവിധാനം ചെയ്യുന്ന ചിത്രത്തിലാണ് മമ്മൂട്ടി ഇപ്പോള്‍ അഭിനയിക്കുന്നത്. പേരിടാത്ത ഈ സിനിമയുടെ ചിത്രീകരണം ഉടന്‍ അവസാനിക്കും. അതിനുശേഷമാണ് മഹേഷ് നാരായണന്‍ ചിത്രം ആരംഭിക്കുക. ഡിസംബര്‍ ആദ്യ വാരത്തില്‍ മമ്മൂട്ടി-മഹേഷ് നാരായണന്‍ സിനിമയുടെ ചിത്രീകരണം ആരംഭിക്കുമെന്നാണ് വിവരം.
മൂന്ന് മാസത്തിലേറെ ചിത്രീകരണം ആവശ്യമുള്ളതിനാല്‍ അടുത്ത വര്‍ഷം മാര്‍ച്ച് വരെ മറ്റു സിനിമകളിലൊന്നും മമ്മൂട്ടി അഭിനയിക്കില്ലെന്നാണ് വിവരം. ജനുവരിയില്‍ ആയിരിക്കും മോഹന്‍ലാല്‍ മഹേഷ് നാരായണന്‍ ചിത്രത്തില്‍ ജോയിന്‍ ചെയ്യുക. മമ്മൂട്ടിക്കൊപ്പമുള്ള കോംബിനേഷന്‍ സീനുകള്‍ അടക്കം 15 ദിവസം കൊണ്ട് മോഹന്‍ലാല്‍ പൂര്‍ത്തിയാക്കും. ശ്രീലങ്കയില്‍ ആയിരിക്കും മമ്മൂട്ടി-മോഹന്‍ലാല്‍ സീനുകളുടെ ചിത്രീകരണം. മമ്മൂട്ടി കമ്പനിക്കൊപ്പം ആശീര്‍വാദ് സിനിമാസും ഈ സിനിമയുടെ നിര്‍മാണ പങ്കാളിയാകും.
ഒരു ബ്രഹ്മാണ്ഡ ചിത്രത്തിൽ അഭിനയിക്കുമ്പോൾ കൂടുതൽ സ്ക്രീൻ…
തനിക്കേതെങ്കിലും രാഷ്ട്രീയ പാർട്ടിയുടെ പിന്തുണയുണ്ടെന്ന തരത്തിൽ പ്രചരിക്കുന്ന…
തിയേറ്ററുകളിൽ കോടികൾ വാരിക്കൂട്ടി ബോക്സ് ഓഫീസിനെ അമ്പരപ്പിച്ച…
'മൂക്കുത്തി അമ്മന്റെ' വൻ വിജയത്തിന് ശേഷം ലേഡി…
റിമി ടോമി യുലെ വിവാഹത്തിന് ഇനി ദിവസങ്ങള്‍…
മീര ജാസ്മിന് കരിയറില്‍ വഴികാട്ടിയായിരുന്നു അന്തരിച്ച ലോഹിതദാസ്.…