തന്റെ സോഷ്യല്‍ മീഡിയ അക്കൗണ്ട് ഹാക്ക് ചെയ്യപ്പെട്ടു: നയന്‍താര

സമൂഹമാധ്യമമായ എക്‌സിലെ തന്റെ അക്കൗണ്ട് ഹാക്ക് ചെയ്യപ്പെട്ടതായി നടി നയന്‍താര. ആരാധകര്‍ ജാഗ്രത പാലിക്കണം എന്ന നിര്‍ദ്ദേശങ്ങള്‍ നല്‍കി കൊണ്ടാണ് തന്റെ അക്കൗണ്ട് ഹാക്ക് ചെയ്യപ്പെട്ട വിവരം നയന്‍താര ഇപ്പോള്‍ അറിയിച്ചിരിക്കുന്നു. അനാവശ്യമായും അപരിചിതവുമായി ട്വീറ്റുകള്‍ അക്കൗണ്ടില്‍ വന്നാല്‍ അത് അവഗണിക്കുകയെന്നാണ് നയന്‍താര എഴുതിയിരിക്കുന്നത്.

കഴിഞ്ഞ വര്‍ഷം പുറത്തിറങ്ങിയ ഹിറ്റ് ചിത്രം ജവാന്റെ ഒന്നാം വാര്‍ഷികത്തോടനുബന്ധിച്ച് സെപ്റ്റംബര്‍ 7 നായിരുന്നു നയന്‍താരയുടെ അവസാനത്തെ എക്‌സ് പോസ്റ്റ് എത്തിയത്.

അക്കൗണ്ട് ഹാക്ക് ചെയ്യപ്പെട്ട വിവരം അറിഞ്ഞതോടെ താരത്തിന് പിന്തുണയുമായി നിരവധി ആരാധകരാണ് രംഗത്തെത്തിയിരിക്കുന്നത്. ‘വെരിഫൈഡ് അക്കൗണ്ട് ഹാക്ക് ചെയ്യുന്നത് എങ്ങനെയാണെന്നാണ്’ എലോണ്‍ മസ്‌കിനെ ടാഗ് ചെയ്ത് ചിലര്‍ ചോദിച്ചിരിക്കുന്നത്.