ജനങ്ങളുടെ പിന്തുണ ഉള്ളിടത്തോളം മലയാളം സിനിമയ്ക്ക് ഒന്നും സംഭവിക്കില്ല: മഞ്ജു വാര്യര്‍

മലയാളികള്‍ക്ക് ഏറെ പ്രിയങ്കരിയായ താരമാണ് മഞ്ജു വാര്യര്‍. സിനിമയില്‍ നിന്നും ഇടവേള എടുത്തിരുന്നെങ്കിലും ഇപ്പോള്‍ വലിയ തിരിച്ചു വരവ് തന്നെയാണ് താരം നടത്തിയിരിക്കുന്നത്. സാക്ഷ്യം എന്ന ചിത്രത്തിലൂടെ ബാലതാരമായിട്ടായിരുന്നു മഞ്ജുവിന്റെ സിനിമയിലേക്കുള്ള അരങ്ങേറ്റം.പിന്നീട് 18മത്തെ വയസ്സില്‍ സല്ലാപം (1996) എന്ന ചലച്ചിത്രത്തില്‍ നായികാ കഥാപാത്രത്തെ അവതരിപ്പിച്ച് ശ്രദ്ധേയയായി.

ഇപ്പോള്‍ ജനങ്ങളുടെ സ്‌നേഹവും പിന്തുണയും ഉള്ളിടത്തോളം കാലം മലയാള സിനിമയ്ക്ക് ഒന്നും സംഭവിക്കാന്‍ പോകുന്നില്ലെന്ന് തുറന്നു പറയുകയാണ് മഞ്ജുവാര്യര്‍. കോഴിക്കോട് ഒരു ചടങ്ങില്‍ പങ്കെടുത്ത സംസാരിക്കവെയാണ് മഞ്ജു ഇക്കാര്യം പറഞ്ഞത്. താരത്തിനൊപ്പം നട ടോവിനോ തോമസും ഉണ്ടായിരുന്നു.

മലയാള സിനിമയെ സംബന്ധിച്ച് വളരെ സങ്കടകരമായ ഘട്ടത്തിലൂടെയാണ് ഇപ്പോള്‍ കടന്നുപോകുന്നത്. എന്നാല്‍ കാര്‍മേഘങ്ങളെല്ലാം ഒഴിഞ്ഞു എല്ലാം കലങ്ങി തെളിയട്ടെ എന്നാണ് താന്‍ പ്രത്യാശിക്കുന്നത്. ഞാനും ടോവിനോയും ഇന്നിവിടെ നില്‍ക്കുന്നുണ്ടെങ്കില്‍ അതിന്റെ കാരണം മലയാള സിനിമ മാത്രമാണ് എന്നും മഞ്ജു വാര്യര്‍ പറഞ്ഞു.