സിനിമയുടെ പരാജയത്തില്‍ മാനസികമായി തകര്‍ന്നിരുന്നു: കീര്‍ത്തി സുരേഷ്

ആരാധകര്‍ക്ക് ഏറെ പ്രിയങ്കരിയായ നടിയാണ് കീര്‍ത്തി സുരേഷ്. കുട്ടിക്കാലത്ത് തന്നെ അഭിനയ രംഗത്തേക്ക് കടന്നു വന്ന കീര്‍ത്തി സുരേഷ് ഇപ്പോള്‍ മലയാളത്തില്‍ നിന്നും മാറി തെന്നിന്ത്യന്‍ സിനമാലോകം കീഴടക്കിയിരിക്കുകയാണ്. അന്യഭാഷകളില്‍ നല്ല വേഷങ്ങളാണ് താരത്തെ തേടി എത്തുന്നത്.

ലീഡ് റോളില്‍ ആദ്യമായി കീര്‍ത്തി സുരേഷ് അഭിനയിക്കുന്നത് മോഹന്‍ലാല്‍ ചിത്രം ഗീതഞ്ജലിയിലാണ്. റിങ് മാസ്റ്ററിലെ പ്രകടനം ശ്രദ്ധ നേടിയതോടെ താരം തമിഴിലേക്കും തെലുങ്കിലേക്കും ചുവട് മാറ്റി.

സിനിമാ ജീവിതത്തെക്കുറിച്ച് പറയുകയാണ് താരം ഇപ്പോള്‍. തുടരെ തുടരെ എന്റെ സിനിമകള്‍ പരാജയപ്പെട്ടു കൊണ്ടിരുന്നു. അതില്‍ അല്‍പം വിഷമം ഉണ്ടായിരുന്നു. ഒരു ഡിപ്രഷന്‍ പോലെ സംഭവിച്ചു. ഞാനപ്പോള്‍ വീട്ടില്‍ തന്നെ ഉണ്ടാവാറുണ്ടായിരുന്നു. മാനസികമായി തകര്‍ന്നു പോകുമ്പോള്‍ എന്റെ വീട്ടില്‍ പോയി ഇരിക്കും എന്നാണ് താരം പറയുന്നത്.