ആത്മഹത്യയെ കുറിച്ച് പോലും ചിന്തിച്ചെന്ന് ജാസ്മിന്‍ ജാഫര്‍

ബിഗ് ബോസ് മലയാളം സീസണ്‍ 6 ലെ ശക്തയായ മത്സരാര്‍ത്ഥിയായിരുന്നു ജാസ്മിന്‍ ജാഫര്‍. എന്നാല്‍ സോഷ്യല്‍ മീഡിയയുടെ കടുത്ത സൈബര്‍ ആക്രമണം നേരിടേണ്ടി വന്നിരുന്നു ജാസ്മിന്. ജാസ്മിനെതിരെ മാത്രമല്ല ജാസ്മിന്റെ പിതാവിനെതിരേയും സോഷ്യല്‍ മീഡിയയില്‍ വിമര്‍ശനങ്ങളും അധിക്ഷേപങ്ങളും പതിവായിരുന്നു. ഇപ്പോഴിതാ സൈന സൗത്ത് പ്ലസിന് നല്‍കിയ അഭിമുഖത്തില്‍ സൈബര്‍ ബുള്ളിയിംഗിനെക്കുറിച്ച് സംസാരിക്കുകയാണ് ജാസ്മിന്‍.

‘ സൈബര്‍ ബുള്ളിയിംഗ് എന്നേക്കാള്‍ നേരിട്ടത് എന്റെ വീട്ടുകാരാണ്. എന്റെ ഉമ്മയും അത്തയും എന്നോട് പറഞ്ഞത് ഞങ്ങള്‍ ആത്മഹത്യ ചെയ്താലോ എന്നു വരെ ചിന്തിച്ചുവെന്നാണ്. അങ്ങനൊരു സാഹചര്യത്തിലേക്ക് എത്തിപ്പോയി. ഇപ്പോഴും വരുന്ന കമന്റുകള്‍ നിന്റെ കയ്യിലിരിപ്പു കൊണ്ടല്ലേ എന്നാണ്. പറയാന്‍ ഭയങ്കര എളുപ്പമാണ്’ ജാസ്മിന്‍ പറയുന്നു.

എന്റെ അത്ത ഒരുപാട് സ്ട്രഗിള്‍ ചെയ്തു. ഒരു ഘട്ടം എത്തിയപ്പോള്‍ അത്ത പോയി ചാകട്ടെ എന്ന അവസ്ഥയിലെത്തി. അത്ത സഹികെട്ട് പലരേയും ചീത്തവിളിച്ചു. എങ്ങനെ കൈകാര്യം ചെയ്യണം എന്നറിയില്ല. ഒരു പരിധി കഴിയുമ്പോള്‍ കൈ വിട്ടു പോകും. ഞാനാണെങ്കിലും പറഞ്ഞു പോകും. ഇതിനിടെ ഇവര്‍ ചെന്നൈയിലെ സെറ്റില്‍ പോയി പ്രശ്നമുണ്ടാക്കെന്ന് പ്രഷര്‍ ചെയ്യുന്നുമുണ്ടായിരുന്നു. അത്രയും സൈബര്‍ ബുള്ളിയിംഗ് നേരിട്ടുവെന്നും ജാസ്മിന്‍ പറയുന്നു.