മക്കളെ സാക്ഷി നിര്‍ത്തി വീണ്ടും വിവാഹം കഴിച്ച് ധര്‍മ്മജനും അനൂജയും

നടന്‍ ധര്‍മ്മജന്‍ ബോള്‍ഗാട്ടിയും ഭാര്യ അനൂജയും വീണ്ടും വിവാഹിതരായി. വിവാഹ വാര്‍ഷികം ആഘോഷിക്കാനാണ് ഇരുവരും വീണ്ടും വിവാഹിതരായത്. മക്കളായ വേദ, വൈഗ എന്നിവരും ചടങ്ങില്‍ പങ്കെടുത്തു. വീഡിയോ സോഷ്യല്‍ മീഡിയയില്‍ വൈറലായിട്ടുണ്ട്.

ധര്‍മ്മജന്‍ തന്നെയാണ് ഇക്കാര്യം ഫെയ്‌സ്ബുക്കിലൂടെ അറിയിച്ചത്. ‘എന്റെ ഭാര്യ വീണ്ടും വിവാഹിതയാകുന്നു. വരന്‍ ഞാന്‍ തന്നെ. മുഹൂര്‍ത്തം 9.30 നും 10.30 നും ഇടയില്‍ എല്ലാവരുടേയും അനുഗ്രഹം ഉണ്ടാകണം.’ ധര്‍മജന്‍ ബോള്‍ഗാട്ടി കുറിച്ചു.

രസകരമായ കമന്റുകളാണ് ധര്‍മജന്റെ ഫെയ്‌സ്ബുക്ക് പോസ്റ്റിനു താഴെ വന്നിരിക്കുന്നത്. ‘വിവാഹ വാര്‍ഷികം ഇങ്ങനെയാണ് ആഘോഷിക്കേണ്ടത്’ ‘ കൊള്ളാം മോനെ..നിന്നെ ഞാന്‍ നിരുത്സാഹപ്പെടുത്തുന്നില്ല’ തുടങ്ങി ഒട്ടേറെ പോസിറ്റീവ് കമന്റുകള്‍ പോസ്റ്റിനു താഴെ വന്നിട്ടുണ്ട്.