കപ്പ് ആരെങ്കിലും കൊണ്ടുപോട്ടേ; ബിഗ് ബോസിനെക്കുറിച്ചുള്ള ചോദ്യത്തില്‍ ആര്യ

ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.

ഇപ്പോള്‍ ബിഗ്‌ബോസിനെക്കുറിച്ചുള്ള ചോദ്യത്തിന് താരം നല്‍കിയ മറുപടിയാണ് വൈറലായിരിക്കുന്നത്. ആരായിരിക്കും കപ്പ് അടിക്കാനുള്ള സാധ്യത എന്നായിരുന്നു ആര്യയോടുള്ള ചോദ്യം. ആരെങ്കിലും കൊണ്ടുപോകട്ടെയെന്നേ പറയാനുള്ളൂ. നല്ല മത്സരാര്‍ത്ഥികളെ ആദ്യമേ തന്നെ ഇറക്കിവിട്ടില്ലേ, ഇനി അതില്‍ ആര്‍ക്ക് കപ്പ് കിട്ടിയാലും പ്രശ്‌നമില്ലെന്നുമായിരുന്നു ഈ ചോദ്യത്തിനുള്ള ആര്യയുടെ മറുപടി.