അന്തരിച്ച നടന്‍ ഡാനിയല്‍ ബാലാജിയുടെ കണ്ണുകള്‍ ദാനം ചെയ്തു

ഇന്നലെ അന്തരിച്ച പ്രമുഖ നടന്‍ ഡാനിയല്‍ ബാലാജിയുടെ കണ്ണുകള്‍ ദാനം ചെയ്തു. മരിക്കുന്നതിനു മുമ്പ് തന്നെ കണ്ണുകള്‍ ദാനം ചെയ്യുന്ന സമ്മതപത്രത്തില്‍ അദ്ദേഹം ഒപ്പിട്ടിരുന്നു. തുടര്‍ന്നാണ് മരണ ശേഷം അദ്ദേഹത്തിന്റെ കണ്ണുകള്‍ ദാനം ചെയ്തിരിരക്കുന്നത്.

ഹൃദയാഘാതത്തെ തുടര്‍ന്ന് വെള്ളിയാഴ്ച രാത്രിയായിരുന്നു ഡാനിയല്‍ ബാലാജി അന്തരിച്ചത്. നെഞ്ചുവേദന അനുഭവപ്പെട്ടതിന് പിന്നാലെ ചെന്നൈ കൊട്ടിവാകത്തെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.

വില്ലവന്‍ വേഷങ്ങളിലൂടെയാണ് ബാലാജി അരാധകര്‍ക്ക് പ്രിയങ്കരനായി മാറിയത്. മലയാളത്തിലും അദ്ദേഹം അഭിനയിച്ചിട്ടുണ്ട്.