Categories: Gossips

മഞ്ഞുമ്മല്‍ ബോയ്‌സ് സീനാണ് ! വെറും ഏഴ് ദിവസം കൊണ്ട് 50 കോടി ക്ലബില്‍

സൗബിന്‍ ഷാഹിര്‍, ശ്രീനാഥ് ഭാസി, ബാലു വര്‍ഗീസ്, ഗണപതി എന്നിവരെ കേന്ദ്ര കഥാപാത്രങ്ങളാക്കി ചിദംബരം സംവിധാനം ചെയ്ത മഞ്ഞുമ്മല്‍ ബോയ്സ് 50 കോടി ക്ലബില്‍. ഫെബ്രുവരി 22 ന് തിയറ്ററുകളിലെത്തിയ ചിത്രം ഏഴ് ദിവസം കൊണ്ടാണ് വേള്‍ഡ് വൈഡായി 50 കോടി കളക്ട് ചെയ്തത്. വര്‍ക്കിങ് ഡേയ്സില്‍ പോലും മികച്ച പ്രേക്ഷക പ്രതികരണമാണ് ചിത്രത്തിനു ലഭിച്ചു കൊണ്ടിരിക്കുന്നത്.

2024 ലെ ആദ്യ നൂറ് കോടി മലയാള സിനിമയാകുമോ മഞ്ഞുമ്മല്‍ ബോയ്സ് എന്നാണ് പ്രേക്ഷകര്‍ ഉറ്റുനോക്കുന്നത്. ഏഴാം ദിനമായ ഇന്നലെ കേരളത്തില്‍ നിന്ന് മാത്രം 2.65 കോടിയാണ് ചിത്രം കളക്ട് ചെയ്തത്. ഒരാഴ്ച കൊണ്ട് ഇന്ത്യയില്‍ നിന്ന് മാത്രം 23.50 കോടി നേടാന്‍ മഞ്ഞുമ്മല്‍ ബോയ്സിനു സാധിച്ചു. കേരളത്തിനു പുറത്ത് തമിഴ്നാട്ടിലും ചിത്രത്തിനു മികച്ച ബുക്കിങ്ങാണ് നടക്കുന്നത്.

Manjummel Boys

പറവ ഫിലിംസിന്റെ ബാനറില്‍ ബാബു ഷാഹിര്‍, സൗബിന്‍ ഷാഹിര്‍, ഷോണ്‍ ആന്റണി എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്. ഷൈജു ഖാലിദ് ആണ് ക്യാമറ. ശ്രീ ഗോകുലം മൂവീസാണ് ചിത്രം കേരളത്തില്‍ റിലീസിനെത്തിച്ചിരിക്കുന്നത്. എറണാകുളത്തെ മഞ്ഞുമ്മല്‍ എന്ന സ്ഥലത്തുള്ള 11 യുവാക്കളുടെ കഥയാണ് ചിത്രം പറയുന്നത്. ഈ സംഘം കൊടൈക്കനാലിലേക്ക് ഒരു ഉല്ലാസ യാത്ര പോകുന്നു. രസകരമായ ഈ യാത്രക്കിടയില്‍ മഞ്ഞുമ്മല്‍ സംഘം ഗുണ ഗുഹയില്‍ അകപ്പെടുന്നു. അവിടെ നിന്ന് രക്ഷപ്പെടാനുള്ള ഇവരുടെ പരിശ്രമങ്ങളെ ഉദ്വേഗജനകമായ രീതിയില്‍ അവതരിപ്പിച്ചിരിക്കുകയാണ് ചിത്രത്തില്‍. നര്‍മ്മത്തിനും ചിത്രത്തില്‍ ഏറെ പ്രാധാന്യമുണ്ട്.

അനില മൂര്‍ത്തി

Recent Posts

വിവാഹിതയാകണം പക്ഷെ; തുറന്ന് പറഞ്ഞ് നിത്യ മേനോന്‍

ജീവിതത്തോട് തനിക്കുള്ള കാഴ്ചപ്പാടുകളെക്കുറിച്ച് തുറന്ന് സംസാരിച്ച് നടി…

22 seconds ago

അടുത്ത ജന്മത്തിലും നീ തന്നെ ഭാര്യയായി വേണം; നയന്‍താരയോട് ഭര്‍ത്താവ്

നടി നയന്‍താരയുടെ 42-ാം പിറന്നാള്‍ ആണിന്ന്. ആരാധകരും…

7 minutes ago

എനിക്കത് ട്രോമയാണ്, തുറന്ന് പറഞ്ഞ് സായി പല്ലവി

'രാമായണ' എന്ന ബ്രഹ്‌മാണ്ഡ ചിത്രത്തിന് ശേഷം സായ്…

10 minutes ago

ഞാന്‍ റെഡിയാണ്; മമ്മൂട്ടിയുമായുള്ള സിനിമയെക്കുറിച്ച് ദുല്‍ഖര്‍

'കാന്ത', 'ഐ ആം ഗെയിം' എന്നീ സിനിമകള്‍ക്ക്…

13 minutes ago