എന്നെ കൊല്ലാം, ക്രൂശിക്കാം, വെറുക്കാം; വ്യാജ മരണ വാര്‍ത്തയ്ക്ക് ശേഷം കുറിപ്പുമായി പൂനം പാണ്ഡെ

ഏവരെയും സങ്കടിത്തിലാഴ്ത്തിയ പൂനം പാണ്ഡെയുടെ മരണ വാര്‍ത്ത അറിഞ്ഞുകൊണ്ടായിരുന്നു മിക്കവരും കഴിഞ്ഞ ദിവസം തങ്ങളുടെ ദിനം ആരംഭിച്ചത്. എന്നാല്‍ തന്റെ മരണത്തില്‍ വലിയ ട്വിസ്റ്റുമായി പൂനം തന്നെ തന്നെ ജീവനോടെ പ്രത്യക്ഷപ്പെട്ടു.

താന്‍ മരിച്ചിട്ടില്ലെന്ന് അറിയിച്ചായിരുന്നു പൂനം പാണ്ഡെയുടെ രംഗപ്രവേശനം. തന്റെ മരണ വാര്‍ത്ത സൃഷ്ടിച്ചത് സെര്‍വിക്കല്‍ ക്യാന്‍സറിനെക്കുറിച്ച് ആളുകളില്‍ ബോധവത്കരണം നടത്താന്‍ വേണ്ടിയാണെന്നാണ് പൂനം പാണ്ഡെ പറയുന്നത്. എന്നാല്‍ വലിയ വിവാദമാണ് ഇത് സൃഷ്ടിച്ചത്. ഇതില്‍ വിശദീകരണവുമായി രംഗത്തെത്തിയിരിക്കുകയാണ് താരം ഇപ്പോള്‍.

എന്നെ കൊല്ലാം, ക്രൂശിക്കാം, വെറുക്കാം, പക്ഷേ നിങ്ങള്‍ ഇഷ്ടപ്പെടുന്ന ആരെയെങ്കിലും രക്ഷിക്കൂ എന്നാണ് താരം ഇപ്പോള്‍ പറഞ്ഞിരിക്കുന്നത്.