നിങ്ങള്‍ക്ക് ആത്മവിശ്വാസം നല്‍കുന്ന വസ്ത്രം ധരിക്കുക: കനിഹ

പുതിയ ചിത്രം പങ്കുവെച്ച് നടി കനിഹ. ഗ്ലാമറസ് ലുക്കിലാണ് താരത്തെ പുതിയ ചിത്രത്തില്‍ കാണുന്നത്. ഫോട്ടോയ്ക്ക് താരം നല്‍കിയ ക്യാപ്ഷനാണ് ഏറെ ശ്രദ്ധേയം.

‘ അവര്‍ എന്ത് പറഞ്ഞാണ് വിധിക്കാന്‍ പോകുന്നതെന്ന് നിങ്ങള്‍ കാര്യമാക്കേണ്ട. നിങ്ങള്‍ക്ക് ഇഷ്ടമുള്ള പോലെ ജീവിക്കുക. നിങ്ങള്‍ക്ക് ആത്മവിശ്വാസം നല്‍കുന്നത് ധരിക്കുക. നിങ്ങളെ സന്തോഷിപ്പിക്കുന്ന കാര്യങ്ങള്‍ ചെയ്യുക’ കനിഹ കുറിച്ചു.

സൂപ്പര്‍താരങ്ങളായ മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങിയവരുടെയെല്ലാം നായികയായി അഭിനയിക്കാന്‍ കനിഹയ്ക്ക് ഭാഗ്യം ലഭിച്ചിട്ടുണ്ട്. ദിലീപിനൊപ്പവും കനിഹ അഭിനയിച്ചിട്ടുണ്ട്.

പ്രായം 40 ആയെങ്കിലും ബോഡി ഫിറ്റ്നെസിന് ഇപ്പോഴും വളരെ ശ്രദ്ധ ചെലുത്തുന്ന താരങ്ങളില്‍ ഒരാളാണ് കനിഹ.

സോഷ്യല്‍ മീഡിയയില്‍ സജീവ സാന്നിധ്യമായ കനിഹ തന്റെ ഗ്ലാമറസ് ചിത്രങ്ങള്‍ അടക്കം ആരാധകര്‍ക്കായി പങ്കുവെയ്ക്കാറുണ്ട്.