ഭര്‍ത്താവുമായി പ്രശ്‌നത്തിലാണെന്ന് പറഞ്ഞത് സന്തോഷത്തോടെയല്ല; മനസ് തുറന്ന് അനുശ്രീ

ആരാധകര്‍ക്ക് ഏറെ പ്രിയപ്പെട്ട നടിയാണ് അനുശ്രീ. താരത്തിന്റെ വിവാഹവും അത് കഴിഞ്ഞുള്ള പ്രശ്‌നങ്ങളും എല്ലാം വാര്‍ത്തകളില്‍ നിറഞ്ഞിരുന്നു.

കുഞ്ഞ് ജനിച്ചതോടെ ഭര്‍ത്താവുമായി വേര്‍പിരിഞ്ഞു എന്ന വാര്‍ത്തകളും പുറത്തുവന്നിരുന്നു. അതുമായി ബന്ധപ്പെട്ട് ഉണ്ടായ വിവാദങ്ങളില്‍ പ്രതികരിച്ചിരിക്കുകയാണ് താരം.

ഒചു ചാനല്‍ പരിപാടിയില്‍ പങ്കെടുക്കുന്നതിനിടയിലാണ് താരം ഭര്‍ത്താവുമായുള്ള പ്രശ്‌നങ്ങളെക്കുറിച്ച് പറഞ്ഞത്. എന്നാല്‍ ആ വേദിയില്‍ താരം വളരെ സന്തോഷത്തോടെയാണ് ഇക്കാര്യങ്ങള്‍ പറഞ്ഞത് എന്ന് പലരും വിമര്‍ശിച്ചിരുന്നു.

അതിനാണ് താരം ഇപ്പോള്‍ മറുപടി നല്‍കിയിരിക്കുന്നത്. സത്യത്തില്‍ എന്റെ മനസ്സിലെ വിഷമം പുറത്ത് ആരെയും കാണിക്കേണ്ട ആവശ്യമില്ല. എന്റെ വിഷമം എന്റേതാണ്. അത് പുറത്ത് കാണിച്ച് വെറുതേ അവര്‍ക്ക് പബ്ലിസിറ്റി ഉണ്ടാക്കി കൊടുക്കേണ്ട ആവശ്യം ഇല്ലല്ലോ. എന്താണ് അതിന്റെ ആവശ്യമെന്നാണ് ഇത്തരം ചോദ്യങ്ങള്‍ക്ക് മറുപടിയായി അനുശ്രീ ചോദിക്കുന്നത്.