Categories: latest news

മലയാളികൾ ഇന്നും നെഞ്ചേറ്റുന്ന ‘നാടൻ പെണ്ണും നാട്ടുപ്രമാണിയും’ 25 വർഷങ്ങൾ പിന്നിടുമ്പോൾ!

കാലമെത്ര കഴിഞ്ഞാലും, ടെലിവിഷനിലോ യൂട്യൂബിലോ കണ്ടാൽ ചാനൽ മാറ്റാൻ തോന്നാത്ത ചില മലയാള സിനിമകളുണ്ട്. അത്തരത്തിൽ മലയാളികളുടെ സ്വീകരണമുറികളിൽ ഇന്നും ചിരിയുടെ പൂത്തിരി കത്തിക്കുന്ന, രാജസേനൻ-ജയറാം കൂട്ടുകെട്ടിൽ പിറന്ന സൂപ്പർഹിറ്റ് കുടുംബചിത്രമാണ് ‘നാടൻ പെണ്ണും നാട്ടുപ്രമാണിയും’. 2000-ത്തിൽ തിയേറ്ററുകളിലെത്തിയ ഈ ചിത്രം കാൽനൂറ്റാണ്ട് പിന്നിടുമ്പോഴും പ്രേക്ഷകരുടെ പ്രിയപ്പെട്ട ‘റിപ്പീറ്റ് വാച്ച്’ സിനിമകളുടെ പട്ടികയിൽ മുൻപന്തിയിൽ തന്നെയുണ്ട്.

ചിത്രത്തിൽ ശ്രദ്ധേയമായ വേഷം ചെയ്ത നടൻ ജയകുമാർ പരമേശ്വരൻ പിള്ള അടുത്തിടെ പങ്കുവെച്ച ഓർമ്മക്കുറിപ്പിലൂടെ സിനിമയുടെ 25-ാം വാർഷികം വീണ്ടും സോഷ്യൽ മീഡിയയിൽ ചർച്ചയാവുകയാണ്.

പണത്തിനും പ്രതാപത്തിനും വേണ്ടി ഏതറ്റം വരെയും പോകുന്ന ഗോവിന്ദൻ എന്ന ബിസിനസുകാരന്റെയും, അയാളോട് പ്രതികാരം ചെയ്യാനെത്തുന്ന ഗായത്രി നമ്പൂതിരിയുടെയും കഥയാണ് ‘നാടൻ പെണ്ണും നാട്ടുപ്രമാണിയും’ പറയുന്നത്. എന്നാൽ ഗൗരവമേറിയ ഒരു പ്രതികാരകഥയെ, കുടുംബപ്രേക്ഷകർക്ക് ആസ്വദിക്കാൻ പാകത്തിന് നർമ്മവും വൈകാരികതയും ചേർത്ത് അണിയിച്ചൊരുക്കിയതാണ് സംവിധായകൻ രാജസേനന്റെ വിജയം. രാജസേനനും മഹേഷ് മിത്രയും ചേർന്നൊരുക്കിയ കഥയ്ക്ക് സുരേഷ് പൊതുവാൾ എഴുതിയ തിരക്കഥയും സംഭാഷണങ്ങളും ചിത്രത്തിന് വലിയ കരുത്തായി.

ജയറാമിന്റെ അനായാസമായ അഭിനയവും സംയുക്ത വർമ്മയുടെ തന്മയത്വമുള്ള പ്രകടനവുമായിരുന്നു ചിത്രത്തിന്റെ നട്ടെല്ല്. ഇരുവരുടെയും കോമ്പിനേഷൻ രംഗങ്ങൾ അക്കാലത്ത് വലിയ കൈയ്യടി നേടിയിരുന്നു.

അനില മൂര്‍ത്തി

Recent Posts

സ്ലീവ്‌ലെസ് ബ്ലൗസിൽ ട്രെൻഡ് സെറ്ററായി അനുമോൾ!

സ്ലീവ്‌ലെസ് ബ്ലൗസുകൾ ഫാഷൻ ലോകത്ത് വീണ്ടും തരംഗമാകുമ്പോൾ,…

12 hours ago

അമ്മാവനെ കല്യാണം കഴിക്കുന്ന സംസ്‌കാരം കേരളത്തിലില്ല; കീര്‍ത്തി സുരേഷ്

അക്ക' എന്ന സിനിമയുടെ പ്രമോഷനിടെ രാധിക ആപ്തെ…

20 hours ago

മക്കള്‍ വേണമെന്ന് തോന്നിയപ്പോള്‍ വിവാഹം, കരീന പറയുന്നു

ബോളിവുഡില്‍ അന്നും ഇന്നും താരമൂല്യം നിലനിര്‍ത്താന്‍ കഴിഞ്ഞ…

20 hours ago

അന്ന് അമ്പലത്തില്‍ പോയി ഞാന്‍ കരഞ്ഞു; തുറന്ന് പറഞ്ഞ് ഗൗരി കൃഷ്ണന്‍

മിനിസ്‌ക്രീനിലൂടെ മലയാളികള്‍ക്ക് സുപരിചിതയായ നടിയാണ് ഗൗരി കൃഷ്ണന്‍.…

20 hours ago