Categories: latest news

നിഗൂഢതകളുടെ കലവറ തുറക്കാൻ ഷൈൻ ടോം ചാക്കോ; ‘പിന്നാലെ’യിലെ ‘റോർ ഓഫ് പിന്നാലെ’ നാളെ എത്തും!

ഷൈൻ ടോം ചാക്കോയെ കേന്ദ്ര കഥാപാത്രമാക്കി ജിസ്സോ ജോസ് തിരക്കഥയും സംഭാഷണവും എഴുതി സംവിധാനം ചെയ്യുന്ന മിസ്റ്ററി ത്രില്ലർ ചിത്രം ‘പിന്നാലെ’യുടെ പുതിയ അപ്‌ഡേറ്റ് പുറത്തുവിട്ട് അണിയറപ്രവർത്തകർ. ചിത്രത്തിലെ ‘റോർ ഓഫ് പിന്നാലെ’ (Roar of Pinnale) എന്ന ഗാനത്തിന്റെ ലിറിക് വീഡിയോ നാളെ വൈകുന്നേരം 4 മണിക്ക് സൈന മ്യൂസിക് യൂട്യൂബ് ചാനലിലൂടെ പ്രേക്ഷകരിലേക്ക് എത്തും. ‘പിന്നാലെ’ ഡിസംബർ 3-ന് തിയേറ്ററുകളിൽ പ്രദർശനത്തിനെത്തും.

നീണ്ട മുടിയും താടിയുമായി തീർത്തും വ്യത്യസ്തവും നിഗൂഢവുമായ ഗെറ്റപ്പിലുള്ള ഷൈൻ ടോം ചാക്കോയുടെ പോസ്റ്ററിനൊപ്പമാണ് ഈ അപ്‌ഡേറ്റ് പങ്കുവെച്ചിരിക്കുന്നത്. എമിൽ എം. ശ്രീരാഗ് സംഗീതം നൽകിയിരിക്കുന്ന ഗാനത്തിന് ശ്യാം മോഹൻദാസ് വരികൾ എഴുതുകയും ആനന്ദ് ശ്രീരാജ് ആലപിക്കുകയും ചെയ്തിരിക്കുന്നു.


കോൺവെന്റിലെ ദുരൂഹമായ മോഷണ പരമ്പരകളും, തുടർന്ന് പോലീസ് അന്വേഷണം വഴിമുട്ടുന്നിടത്ത് ഒരു വൈദികൻ നടത്തുന്ന അന്വേഷണവുമാണ് ഈ മിസ്റ്ററി ത്രില്ലറിന്റെ പ്രമേയം. “പോലീസ് അന്വേഷണം അവസാനിക്കുന്നിടത്ത് ആത്മാവ് ഏറ്റെടുക്കുന്നു” എന്ന ടാഗ്‌ലൈനോടെ എത്തുന്ന ചിത്രത്തിൽ ഫാദർ ജോൺ കുരിശിങ്കൽ എന്ന ശ്രദ്ധേയ വേഷത്തിൽ രാഹുൽ മാധവും എത്തുന്നുണ്ട്.

അങ്കമാലി ഫിലിംസിന്റെ ബാനറിൽ നിർമ്മിക്കുന്ന ഈ ചിത്രത്തിന്റെ ഛായാഗ്രഹണം ശരത് ഷാജിയും എഡിറ്റിംഗ് രോഹിത് വി.എസ്. വാര്യത്തുമാണ് കൈകാര്യം ചെയ്യുന്നത്. യു/എ (U/A) സർട്ടിഫിക്കറ്റോടെ എത്തുന്ന ചിത്രം പ്രേക്ഷകർക്കിടയിൽ ഇതിനോടകം തന്നെ വലിയ ആകാംക്ഷയാണ് ഉയർത്തിയിരിക്കുന്നത്.

അനില മൂര്‍ത്തി

Recent Posts

സ്ലീവ്‌ലെസ് ബ്ലൗസിൽ ട്രെൻഡ് സെറ്ററായി അനുമോൾ!

സ്ലീവ്‌ലെസ് ബ്ലൗസുകൾ ഫാഷൻ ലോകത്ത് വീണ്ടും തരംഗമാകുമ്പോൾ,…

43 minutes ago

അമ്മാവനെ കല്യാണം കഴിക്കുന്ന സംസ്‌കാരം കേരളത്തിലില്ല; കീര്‍ത്തി സുരേഷ്

അക്ക' എന്ന സിനിമയുടെ പ്രമോഷനിടെ രാധിക ആപ്തെ…

8 hours ago

മക്കള്‍ വേണമെന്ന് തോന്നിയപ്പോള്‍ വിവാഹം, കരീന പറയുന്നു

ബോളിവുഡില്‍ അന്നും ഇന്നും താരമൂല്യം നിലനിര്‍ത്താന്‍ കഴിഞ്ഞ…

8 hours ago

അന്ന് അമ്പലത്തില്‍ പോയി ഞാന്‍ കരഞ്ഞു; തുറന്ന് പറഞ്ഞ് ഗൗരി കൃഷ്ണന്‍

മിനിസ്‌ക്രീനിലൂടെ മലയാളികള്‍ക്ക് സുപരിചിതയായ നടിയാണ് ഗൗരി കൃഷ്ണന്‍.…

8 hours ago

സമാധാനം കളയുന്ന ഒന്നിലേക്ക് പോകാന്‍ താല്‍പ്പര്യമില്ല; നിത്യ മേനോന്‍

വിവാഹത്തെക്കുറിച്ച് നടി നിത്യ മേനോന്‍ പങ്കുവച്ച വാക്കുകളാണിപ്പോള്‍…

8 hours ago