Categories: latest news

അച്ഛന്റെ ആ സ്വഭാവം എനിക്ക് ഭയങ്കര ഇഷ്ടമാണ്; തുറന്ന് പറഞ്ഞ് വിജയിയുടെ മകന്‍

മാസ് ആക്ഷനുകളും രാഷ്ട്രീയ സന്ദേശങ്ങളും നിറഞ്ഞ സിനിമകളില്‍ നിന്ന് മാറി, വിജയ്യുടെ ഉള്ളിലെ ആരും കാണാത്ത ആ കൊച്ചുകുട്ടിയെ ബിഗ് സ്‌ക്രീനില്‍ കാണിക്കാന്‍ തനിക്ക് ആ?ഗ്രഹമുണ്ടെന്ന് അദ്ദേഹത്തിന്റെ മകന്‍ ജേസണ്‍ സഞ്ജയ്. വിജയ്യിലെ നര്‍മവും കുട്ടിത്തവുമാണ് ഒരു സംവിധായകനെന്ന നിലയില്‍ തനിക്കേറ്റവും ഇഷ്ടമെന്നും ജേസണ്‍ പറഞ്ഞു.

‘അദ്ദേഹത്തിന്റെ നര്‍മ്മബോധം എനിക്ക് വളരെ ഇഷ്ടമാണ്. അദ്ദേഹത്തെ കാണുമ്പോള്‍ അദ്ദേഹം സ്വതന്ത്രമായി, തന്നെത്തന്നെയായി പെരുമാറുന്നതായി തോന്നും. വീട്ടില്‍ വളര്‍ന്നപ്പോള്‍ അദ്ദേഹത്തിന്റെ വ്യക്തിപരമായ ഒരു വശം കണ്ടിട്ടുണ്ട്.

അദ്ദേഹത്തിനുള്ളിലെ ആ കുട്ടിത്തവും ഞാന്‍ കണ്ടിട്ടുണ്ട്. എപ്പോഴെങ്കിലും അദ്ദേഹത്തെ സംവിധാനം ചെയ്യാന്‍ അവസരം ലഭിച്ചാല്‍, എന്റെ അച്ഛന്റെ ആ വശം ഞാന്‍ പുറത്തു കൊണ്ടുവരും’.- ഗലാട്ട പ്ലസിന് നല്‍കിയ അഭിമുഖത്തില്‍ ജേസണ്‍ സഞ്ജയ് പറഞ്ഞു.

വിജയ്യുടെ സമീപകാല സിനിമകളില്‍ കൂടുതലും മാസ് ആക്ഷനും നായകപ്രാധാന്യമുള്ള കഥാപാത്രങ്ങളുമാണ് കാണാനാകുന്നതെന്നും ജേസണ്‍ ചൂണ്ടിക്കാട്ടി. പ്രേക്ഷകര്‍ക്ക് കൂടുതല്‍ എളുപ്പത്തില്‍ ബന്ധപ്പെടാന്‍ കഴിയുന്ന തരത്തിലുള്ള ഒരു കഥാപാത്രത്തെ പൂര്‍ണമായി അവതരിപ്പിക്കാനുള്ള അവസരം വിജയ്ക്ക് അടുത്ത കാലത്ത് കുറവായിരുന്നുവെന്നാണ് അദ്ദേഹത്തിന്റെ വിലയിരുത്തല്‍.

അത്തരമൊരു അവസരം ലഭിച്ചാല്‍ വിജയ്യിലെ ആ വശം പുറത്തെടുക്കാനാണ് തന്റെ ശ്രമമെന്നും ജേസണ്‍ പറഞ്ഞു. അച്ഛനെ ഒരു സൂപ്പര്‍ താരമായി മാത്രം കാണുന്നതിനപ്പുറം, വീട്ടില്‍ കണ്ട വ്യക്തി എന്ന നിലയിലുള്ള അനുഭവവും തന്റെ കാഴ്ചപ്പാടിനെ സ്വാധീനിക്കുന്നുണ്ട്. സംവിധായകനായുള്ള അരങ്ങേറ്റത്തിന് മുന്‍പ് മുത്തശ്ശന്‍ എസ്എ ചന്ദ്രശേഖര്‍ നല്‍കിയ ഉപദേശവും ജേസണ്‍ പങ്കുവച്ചു.

സെറ്റില്‍ എന്തെങ്കിലും കാര്യത്തില്‍ സംശയമോ രണ്ടാമതൊരു ചിന്തയോ ഉണ്ടായാലും അത് മറ്റുള്ളവരെ കാണിക്കരുതെന്നായിരുന്നു അദ്ദേഹത്തിന്റെ നിര്‍ദേശം. എസ്എ ചന്ദ്രശേഖറിന്റെ പ്രവര്‍ത്തനശൈലിയും ജേസണ്‍ ഉദാഹരണമായി പറഞ്ഞു. ഒരു സിനിമയുടെ ആദ്യ പകുതിയില്‍ ചിത്രീകരണം നടത്തിയ ശേഷം രണ്ടാം പകുതിയില്‍ മറ്റൊരു സിനിമ സംവിധാനം ചെയ്യുന്നതിനായി അദ്ദേഹം പോയിരുന്ന കാലമുണ്ടായിരുന്നുവെന്നും ജേസണ്‍ പറഞ്ഞു.

ജോയൽ മാത്യൂസ്

Recent Posts

വിവാദങ്ങളെ അതിജീവിച്ച് അഭിനയലോകത്ത് സജീവമായി ശ്രുതി നാരായണൻ!

തമിഴ് ടെലിവിഷൻ പ്രേക്ഷകരുടെ പ്രിയപ്പെട്ട പരമ്പരകളിലൂടെ ശ്രദ്ധേയയായ…

2 hours ago

ഐറ്റം ഡാന്‍സ് ചെയ്യില്ലെന്ന നിലപാട് മാറ്റാന്‍ കാരണം; തുറന്ന് പറഞ്ഞ് രജിഷ വിജയന്‍

മലയാളത്തിലൂടെ കരിയര്‍ ആരംഭിച്ച്, തമിഴിലടക്കം സ്വന്തമായൊരു ഇടം…

10 hours ago

എപ്പോഴാണ് കല്യാണം തുറന്ന് പറഞ്ഞ് ശ്രുതി ഹാസന്‍

തന്റെ അഭിപ്രായങ്ങള്‍ വെട്ടിത്തുറന്ന് പറയുന്ന ശീലക്കാരിയാണ് ശ്രുതി…

10 hours ago

മകളുടെ മരണം തളര്‍ത്തി; തുറന്ന് പറഞ്ഞ് വിജയ് ആന്റണിയും ഭാര്യയും

സംഗീത സംവിധായകനും നടനുമായ വിജയ് ആന്റണിയുടെ മകളുടെ…

10 hours ago