Categories: latest news

ഐറ്റം ഡാന്‍സ് ചെയ്യില്ലെന്ന നിലപാട് മാറ്റാന്‍ കാരണം; തുറന്ന് പറഞ്ഞ് രജിഷ വിജയന്‍

മലയാളത്തിലൂടെ കരിയര്‍ ആരംഭിച്ച്, തമിഴിലടക്കം സ്വന്തമായൊരു ഇടം കണ്ടെത്തിയ നടിയാണ് രജിഷ വിജയന്‍. മികച്ച നടിക്കുള്ള സംസ്ഥാന ചലച്ചിത്ര പുരസ്‌കാരം നേടിക്കൊണ്ടാണ് രജിഷ കരിയര്‍ ആരംഭിച്ചത്. പിന്നീടിങ്ങോട്ട് പ്രകടനത്തിലും സിനിമയുടെ തെരഞ്ഞെടുപ്പുകളിലും മിനിമം ഗ്യാരണ്ടി നായികയായി സ്വയം അടയാളപ്പെടുത്താന്‍ രജിഷയ്ക്ക് സാധിച്ചിട്ടുണ്ട്.

ഒരിക്കല്‍ ഡാന്‍സ് നമ്പര്‍ ചെയ്യില്ലെന്ന് നിലപാടെടുത്തിരുന്നു രജിഷ. എന്നാല്‍ ഈയ്യടുത്തിറങ്ങിയ മസിത്ഷക മരണം എന്ന ചിത്രത്തില്‍ രജിഷ ഡാന്‍സ് നമ്പര്‍ ചെയ്തത് വലിയ ചര്‍ച്ചയായി മാറിയിരുന്നു. എന്തുകൊണ്ടാണ് നിലപാടില്‍ മാറ്റം വന്നതെന്ന് പറയുകയാണ് രജിഷ വിജയന്‍.

പോര്‍ട്രെയ്ല്‍സ് ബൈ ഗദ്ദാഫി യൂട്യൂബ് ചാനലിന് നല്‍കിയ അഭിമുഖത്തിലാണ് രജിഷയുടെ പ്രതികരണം. ഒരുകാലത്ത് ഐറ്റം ഡാന്‍സ് ചെയ്യില്ലെന്ന് നിലപാടെടുത്തെങ്കിലും മസ്തിഷ്‌ക മരണം എന്ന സിനിമയില്‍ ഐറ്റം നമ്പറിന്റെ ഭാഗമാകാനുള്ള തീരുമാനം വളര്‍ച്ചയുടെ അടയാളമായിരുന്നോ എന്ന ചോദ്യത്തിന് മറുപടി നല്‍കുകയായിരുന്നു രജിഷ വിജയന്‍.

”സിനിമ മാത്രമല്ല, സമയം മാറുമ്പോഴും നമ്മളെല്ലാവരും മാറും. ജീവിതാനുഭവങ്ങള്‍ മുന്നോട്ട് പോകുന്തോറും എല്ലാവരിലും മാറ്റം അനിവാര്യമാണല്ലോ. പിന്നെ ഓരോരോ സിനിമ ചെയ്യുമ്പോഴും വ്യത്യസ്തമായ കഥയും പശ്ചാത്തലവുമായിരിക്കും പറയുക. മാനസികവും ശാരീരികവുമായി ബുദ്ധിമുട്ടുള്ളതായിരിക്കാം. അതെല്ലാം നമ്മളെ മാറ്റിയേക്കും” എന്നാണ് രജിഷ പറയുന്നത്.

”പ്രധാനപ്പെട്ട കാര്യം, ഒരു ഗ്രൂപ്പ് ആളുകളുടെ കൂടെ നിശ്ചിത സമയം ചെലവിട്ടു കഴിയുമ്പോഴേക്കും അവരുമായി നമ്മള്‍ സംസാരിക്കും, യാത്ര ചെയ്യുമ്പോള്‍ കൂടുതല്‍ ആളുകളെ കാണുകയും അവരുമായി സംസാരിക്കുകയും ചെയ്യുമ്പോഴുമാണ് നമ്മുടെ ചിന്താഗതി വിശാലമാകുന്നത്. സമയം കഴിയുമ്പോള്‍ എല്ലാവരിലും ആ മാറ്റമുണ്ടാകുമെന്ന് കരുതുന്നു” എന്നും താരം പറയുന്നു. ”അനുരാഗ കരിക്കിന്‍ വെള്ളം ചെയ്യുമ്പോള്‍ എനിക്കുണ്ടായിരുന്ന ചിന്താഗതിയായിരിക്കില്ല ഇന്ന് എനിക്കുള്ളത്. പത്ത് വര്‍ഷം കഴിയുമ്പോള്‍ ഇതായിരിക്കില്ല” എന്നും രജിഷ പറയുന്നു.

ജോയൽ മാത്യൂസ്

Recent Posts

വിവാദങ്ങളെ അതിജീവിച്ച് അഭിനയലോകത്ത് സജീവമായി ശ്രുതി നാരായണൻ!

തമിഴ് ടെലിവിഷൻ പ്രേക്ഷകരുടെ പ്രിയപ്പെട്ട പരമ്പരകളിലൂടെ ശ്രദ്ധേയയായ…

49 minutes ago

കല്യാണം കഴിക്കാതെ അമ്മയാകുമോ? ശ്രുതി ഹാസന്റെ തുറന്നുപറച്ചിലിന് പിന്നിലെ സത്യമെന്ത്?

സോഷ്യൽ മീഡിയയിൽ വീണ്ടും ചർച്ചയാവുകയാണ് നടി ശ്രുതി…

55 minutes ago

എപ്പോഴാണ് കല്യാണം തുറന്ന് പറഞ്ഞ് ശ്രുതി ഹാസന്‍

തന്റെ അഭിപ്രായങ്ങള്‍ വെട്ടിത്തുറന്ന് പറയുന്ന ശീലക്കാരിയാണ് ശ്രുതി…

9 hours ago

മകളുടെ മരണം തളര്‍ത്തി; തുറന്ന് പറഞ്ഞ് വിജയ് ആന്റണിയും ഭാര്യയും

സംഗീത സംവിധായകനും നടനുമായ വിജയ് ആന്റണിയുടെ മകളുടെ…

9 hours ago

ഡിവോഴ്‌സായോ; തുറന്ന് പറഞ്ഞ് റോബിന്‍

താനും ആരതി പൊടിയും പിരിഞ്ഞുവെന്ന വാര്‍ത്തകള്‍ക്ക് മറുപടിയുമായി…

9 hours ago