കുടുംബത്തോടൊപ്പം ശ്രീയ ശരൺ; ഭർത്താവിനും മകൾക്കുമൊപ്പമുള്ള ചിത്രങ്ങൾ

ഭർത്താവ് ആൻഡ്രെയ് കൊഷ്ചീവ് (Andrei Koscheev), മകൾ രാധ എന്നിവർക്കൊപ്പമുള്ള പുതിയ ചിത്രങ്ങളുമായി നടി ശ്രീയ ശരൺ. കുടുംബത്തോടൊപ്പമുള്ള മനോഹര നിമിഷങ്ങളാണ് താരം സോഷ്യൽ മീഡിയയിൽ പങ്കുവെച്ചിരിക്കുന്നത്.

2018 മാർച്ച് 19നാണ് ശ്രീയ ശരൺ റഷ്യൻ ടെന്നീസ് താരവും സംരംഭകനുമായ ആൻഡ്രെയ് കൊഷ്ചീവിനെ വിവാഹം ചെയ്തത്. 2021 ജനുവരി 10ന് ഇരുവർക്കും മകൾ രാധ ജനിച്ചു. കുടുംബജീവിതത്തിന്റെ വിശേഷങ്ങൾ ശ്രീയ പലപ്പോഴും സോഷ്യൽ മീഡിയയിലൂടെ പങ്കുവയ്ക്കാറുണ്ട്.

2001ൽ തെലുങ്ക് ചിത്രം ‘ഇഷ്ടം’ ത്തിലൂടെയാണ്‌ ശ്രീയ ശരൺ സിനിമയിലെത്തിയത്. ഹിന്ദി, തമിഴ്, തെലുങ്ക് സിനിമകളിലാണ് പ്രധാനമായും പ്രവർത്തിച്ചിട്ടുള്ളത്.