യൂട്യൂബ് വ്ളോഗ് അവസാനിപ്പിക്കാന് പോകുന്നതായി നടി മഞ്ജു പത്രോസും സിമി സാബുവും. പല തിരക്കുകളും കാരണം തങ്ങള്ക്ക് വ്ളോഗിങ്ങിനായി സമയം കിട്ടുന്നില്ലെന്നും അതിനാല് ഇത് നിര്ത്താന് പോകുന്നതായുമാണ് രണ്ടുപേരും ഇപ്പോള് അറിയിച്ചിരിക്കുന്നത്. പ്രത്യേകിച്ച് ഒരു ലാഭവും ഞങ്ങള്ക്ക് ഇതുവഴി ഉണ്ടാക്കിയിട്ടില്ല എന്നും മഞ്ജുവും സിമിയും വ്യക്തമാക്കി. യൂട്യൂബ് വീഡിയോക്ക് താഴെ രണ്ടു പേരും അടിച്ചു പിരിഞ്ഞോ എന്ന കമന്റിനുള്ള മറുപടി നല്കവെയാണ് രണ്ടുപേരും ഇക്കാര്യം വ്യക്തമാക്കിയിരിക്കുന്നത്.
ഇനി വ്ളോഗ് ഉണ്ടാകാനുള്ള സാധ്യത വളരെ കുറവാണ്. താത്കാലികമായി നിര്ത്തി. കൊറോണ സമയത്ത് വീട്ടിലിരുന്ന് ഒന്നും ചെയ്യാനില്ലെന്ന് തോന്നിയപ്പോള് ആരംഭിച്ചതാണ്. ഇത് ജീവിതോപാധിയാകണമെന്ന് ചിന്തിച്ചിട്ടില്ല. വരുമാനം കാര്യമായി കിട്ടിയിട്ടില്ല. വ്ളോഗിങ് സീരിയസ് ആയി കാണുന്ന ഒരുപാട് വ്ളോഗേഴ്സുണ്ട്. അവര്ക്കിടയില് പിടിച്ചുനില്ക്കാനായില്ല എന്നതാണ് സത്യം. ഞങ്ങളുടെ ആത്മവിശ്വാസവും നഷ്ടമായി. അങ്ങനെയാണ് വ്ളോഗ് നിര്ത്താന് തീരുമാനിച്ചത്.
വ്ളോഗിന് അത്യാവശ്യം ചെലവുണ്ട്. യാത്ര, ഭക്ഷണം, താമസം, എഡിറ്റിങ് എന്നതിനൊക്കെ പോക്കറ്റില്നിന്ന് ചെലവാക്കണം. ഞങ്ങള്ക്കിടയില് ഒരു പ്രശ്നവുമില്ല. ഞങ്ങള് ഒരുമിച്ച് തുടങ്ങിയ സംരംഭമായിരുന്നു വ്ളോഗ്. ബിസിനസ് ചെയ്ത് പണം പങ്കിടുമ്പോഴാണ് സൗഹൃദങ്ങളില് പ്രശ്നങ്ങളുണ്ടാകുന്നത്. ഞങ്ങള്ക്ക് പങ്കിടാന് പണവുമില്ല, കൂട്ടുബിസിനസുമില്ല. ഞങ്ങള് ഇതുവരെ പിരിഞ്ഞിട്ടില്ലെന്നും ഇരുവരും പറഞ്ഞു
വീഡിയോയില് കാണാതായപ്പോള് പലരും ഇതിനെക്കുറിച്ച് കമന്റുകള് ചെയ്തിരുന്നു. അപ്പോഴാണ് ഇത്രയധികം ആള്ക്കാര് ഞങ്ങളുടെ വീഡിയോ കാണുന്നുണ്ടെന്നും ഞങ്ങളെ അന്വേഷിക്കുന്നുണ്ടെന്നും മനസ്സിലായതെന്നും ഇവര് പറയുന്നു. സിമി ബിസിനസുകളുമായും മഞ്ജു ചില പ്രോജക്ടുകളുടെ ഭാഗമായും തിരക്കിലാണ്. ഇതുമൂലമാണ് ഇവര്ക്ക് വ്ളോഗ് എടുക്കാന് സാധിക്കാത്തതും
ഉര്വശിയുടെയും മനോജ് കെ ജയന്റെയും മകളാണ് തേജാലക്ഷ്മി…
താരസംഘടനയായ 'അമ്മ'യുടെ ജനറല് ബോഡിയില് മോഹന്ലാല് സംസാരിച്ച…
നൃത്തവീഡിയോകള് പങ്കിടാറുളള സൗഭാഗ്യ വെങ്കിടേഷിനെ അടുത്തിടെ മോഡേണ്…
ഗ്ലാമറസ് മേക്കോവറില് നടി ടെസ ജോസഫ്. സിനിമകളില്…
ഭാഗ്യദേവത ബാലയുടെ കൂടെയാണ്. ഇത്തവണ എടുത്ത നാലുടിക്കറ്റിനും…
തെന്നിന്ത്യയിലും ബോളിവുഡിലും ഒരുപോലെ സജീവമാണിപ്പോള് നടി തമന്ന.…