ആരാധകര് ഏറെ ആകാംക്ഷയോടെ കാത്തിരിക്കുന്ന സൂര്യ ചിത്രമായ കങ്കുവ തിയേറ്ററുകളിലേക്ക്. രണ്ട് ദിവസം മുമ്പ് തന്നെ ചിത്രത്തിന്റെ പ്രീ ബുക്കിംഗ് ആരംഭിച്ചിരുന്നു. ബുക്കിംഗ് ആരംഭിച്ചത് മുതല് വലിയ ഹൈപ്പാണ് ചിത്രത്തിന് ലഭിച്ചത്. തിരുവനന്തപുരത്തെ ഏരീസില് റെക്കോര്ഡ് ബുക്കിംഗ് നടന്നതായാണ് ലഭിക്കുന്ന വിവരം.
സിരുത്തെ ശിവയുടെ സംവിധാനത്തില് ഒരുങ്ങുന്ന കങ്കുവ ബിഗ് ബജറ്റിലാണ് ഒരുക്കിയിരിക്കുന്നത്. ടൈം ട്രാവലിലൂടെ കഥ പറയുന്ന സയന്സ് ഫിക്ഷന് സിനിമാണ് കങ്കുവ. ബോബി ഡിയോളാണ് സിനിമയില് വില്ലനായി എത്തുന്നത്. 1000 വര്ഷങ്ങള്ക്ക് മുമ്പുള്ള കാലഘട്ടത്തിലൂടെ സഞ്ചരിക്കുന്ന കങ്കുവയില് യോദ്ധാവായാണ് സൂര്യ എത്തുന്നത്.
ബോളിവുഡ് താരം ദിഷ പഠാനിയാണ് നായിക. സ്റ്റുഡിയോ ഗ്രീനും യുവി ക്രിയേഷന്സും ചേര്ന്ന് നിര്മിക്കുന്ന സിനിമയുടെ ബജറ്റ് 350 കോടിയാണ്. ദേവി ശ്രീ പ്രസാദ് ആണ് സംഗീതം. ഛായാഗ്രഹണം വെട്രി പളനിസാമി. നിഷാദ് യൂസഫാണ് ഈ ചിത്രത്തിന്റെ എഡിറ്റിങ് നിര്വഹിച്ചിരിക്കുന്നത്. ഗോകുലം മൂവിസ് ആണ് ചിത്രം കേരളത്തില് വിതരണത്തിന് എത്തിക്കുന്നത്.
യോഗി ബാബു, പ്രകാശ് രാജ്, കെ എസ് രവികുമാര്, ജഗപതി ബാബു, ഹാരിഷ് ഉത്തമന്, നടരാജന് സുബ്രമണ്യം, ആനന്ദ് രാജ്, വസുന്ധര കശ്യപ്, റെഡിന് കിങ്സ്ലി, കോവൈ സരള എന്നിവരാണ് മറ്റ് പ്രധാന താരങ്ങള്. കലാസംവിധാനം മിലന്, രചന ആദി നാരായണ, സംഭാഷണം മദന് കര്ക്കി, ആക്ഷന് സുപ്രീം സുന്ദര്.
തര്ക്കങ്ങളും പിണക്കങ്ങളും പറഞ്ഞ് പരിഹരിച്ച് ഒന്നായി എന്എം…
തെരഞ്ഞെടുപ്പില് നേടിയ ചരിത്ര വിജയത്തിന് പിന്നാലെ തമിഴ്നാട്…
ഹന്സിക കൃഷ്ണയുടെ ഇന്സ്റ്റ?ഗ്രാം സബ്സ്ക്രിപ്ഷന് കണ്ടന്റ് ലീക്കായത്…
ബോളിവുഡില് തനിക്ക് നേരിടേണ്ടി വന്ന ദുരനുഭവങ്ങള് വെളിപ്പെടുത്തി…
കൊച്ചി: ആലുവ ശിവരാത്രി മണപ്പുറത്ത് കുതിര സവാരി…
കഴിഞ്ഞ കുറച്ചുനാളുകളായി താന് എന്തുകൊണ്ടാണ് സോഷ്യല് മീഡിയയില്…