സൈജു കുറുപ്പ് കേന്ദ്രകഥാപാത്രത്തെ അവതരിപ്പിച്ചിരിക്കുന്ന പൊറാട്ട് നാടകം ഈ മാസം 18ന് തിയേറ്ററുകളില് എത്തും. ചിത്രത്തിന് യുഎ സര്ട്ടിഫിക്കറ്റ് ആണ് ലഭിച്ചിരിക്കുന്നത്. സംവിധായകന് സിദ്ദിഖിന്റെ ശിഷ്യനായ നൗഷാദ് സാഫ്രോണ് ആണ് ചിത്രം സംവിധാനം ചെയ്തിരിക്കുന്നത്. സിദ്ദിഖിന്റെ മേല്നോട്ടത്തില് ആയിരുന്നു പൊറാട്ട് നാടകം ചിത്രീകരിച്ചത്.
അബു എന്ന കേന്ദ്ര കഥാപാത്രത്തെയാണ് സൈജു കുറുപ്പ് ചിത്രത്തില് അവതരിപ്പിക്കുന്നത്. ആക്ഷേപഹാസ്യമായി എത്തുന്ന ചിത്രത്തില് മണിക്കുട്ടി എന്ന് പേരുള്ള പശുവും കേന്ദ്ര കഥാപാത്രത്തെ അവതരിപ്പിക്കുന്നുണ്ട്. സിദ്ദീഖിന്റെ ഒന്നാം ചരമവാര്ഷികത്തോടന്നുബന്ധിച്ച് ഓഗസ്റ്റ് 9നാണ് ചിത്രത്തിന്റെ റിലീസ് നിശ്ചയിച്ചിരുന്നത്. എന്നാല് വയനാട്ടില് സംഭവിച്ച ദുരന്തത്തിന്റെ പശ്ചാത്തലത്തില് റിലീസ് തീയതി മാറ്റി വയ്ക്കാന് തീരുമാനിക്കുകയായിരുന്നു.
എമിറേറ്റ്സ് പ്രൊഡക്ഷന്സിന്റെ ബാനറില് വിജയന് പള്ളിക്കര നിര്മ്മിക്കുന്ന ‘പൊറാട്ട് നാടക’ത്തിന്റെ രചന നിര്വഹിച്ചിരിക്കുന്നത് ‘മോഹന്ലാല്’, ‘ഈശോ’ എന്നീ ചിത്രങ്ങളുടെ തിരക്കഥാകൃത്തും ഈ വര്ഷത്തെ മികച്ച ഹാസസാഹിത്യകൃതിയ്ക്കുള്ള കേരള സാഹിത്യ അക്കാദമി അവാര്ഡ് ജേതാവുമായ സുനീഷ് വാരനാട് ആണ്. രാഹുല് രാജ് ആണ് സംഗീത സംവിധാനം നിര്വഹിച്ചിരിക്കുന്നത്. ചിത്രത്തില് മണിക്കുട്ടി എന്നു പേരുള്ള പശുവും ഒരു നിര്ണ്ണായക കഥാപാത്രത്തെ അവതരിപ്പിക്കുന്നുണ്ട്. രാഹുല് മാധവ്, ധര്മജന് ബോള്ഗാട്ടി, രമേഷ് പിഷാരടി, സുനില് സുഖദ, നിര്മ്മല് പാലാഴി, രാജേഷ് അഴീക്കോട്, അര്ജുന് വിജയന്, ആര്യ വിജയന്, സുമയ്യ, ബാബു അന്നൂര്, സൂരജ് തേലക്കാട്, അനില് ബേബി, ഷുക്കൂര് വക്കീല്, ശിവദാസ് മട്ടന്നൂര്, സിബി തോമസ്, ഫൈസല്, ചിത്ര ഷേണായി, ചിത്ര നായര്, ഐശ്വര്യ മിഥുന്, ജിജിന, ഗീതി സംഗീത തുടങ്ങിയവരും വേഷമിട്ട ഈ ചിത്രത്തിന്റെ കോ പ്രൊഡ്യൂസര് ഗായത്രി വിജയനും എക്സിക്യൂട്ടീവ് പ്രൊഡ്യൂസര് നാസര് വേങ്ങരയുമാണ്.
ഓ ബൈ ഓസി സ്ഥാപനത്തിലെ സാമ്പത്തിക തട്ടിപ്പ്…
മലയാള സിനിമയിലെ ആക്ഷൻ ക്വീൻ എന്ന് വിശേഷിപ്പിക്കാവുന്ന…
ബോളിവുഡിന്റെ പ്രിയതാരം രൺബീർ കപൂറിന്റെ 44-ാം ജന്മദിനമാണിന്ന്.…
വ്യക്തി ജീവിതത്തില് പല ഘട്ടങ്ങള് കണ്ട നടിയാണ്…
കാന്സര് രോഗത്തോട് പൊരുതുകയാണ് രേണു സുധി. കഴിഞ്ഞ…
വിവാഹ വാര്ഷികത്തില് സൂര്യയും ജ്യോതികയും വീണ്ടും വിവാഹിതരായത്…