ട്രാന്‍സിലും പറവയിലും വില്ലനായി വിളിച്ചിരുന്നു: അല്‍ഫോണ്‍സ് പുത്രന്‍

പ്രേമം എന്ന ഒരൊറ്റ സിനിമ കൊണ്ട് മലയാളികളുടെ മനസില്‍ ഇടം നേടിയ സംവിധായകനാണ് അല്‍ഫോണ്‍സ് പുത്രന്‍. പ്രേമം ഇറങ്ങി ഏഴ് വര്‍ഷത്തിന് ശേഷമാണ് അദ്ദേഹം ഗോള്‍ഡ് സിനിമ സംവിധാനം ചെയ്തത്. എന്നാല്‍ പ്രിതീക്ഷിച്ചതുപോലെ സിനിമ വിജയിച്ചില്ല.

ഇപ്പോള്‍ അന്‍വര്‍ റഷീദ്, സൗബിന്‍ ഷാഹിര്‍ സിനിമകളില്‍ വില്ലന്‍ വേഷം ചെയ്യാന്‍ അവസരം ലഭിച്ചിരുന്നുവെന്നാണ് അദ്ദേഹം പറയുന്നത്.

സൗബിന്‍ സാഹിര്‍ സിനിമ പറവയിലും, അന്‍വര്‍ റഷീദ് സിനിമ ട്രാന്‍സിലും അഭിനയിക്കാന്‍ ക്ഷണം ഉണ്ടായിരുന്നു. അന്ന് ആരോഗ്യം അനുവദിച്ചില്ല. അതുകൊണ്ട് പോകാനായില്ല എന്നാണ് താരം പറയുന്നത്.