ഇറച്ചിവെട്ടുകാരിയാണ് അഭിനയിക്കുന്നത്: ഹണി റോസ്

മലയാളികള്‍ക്ക് ഏറെ പ്രിയങ്കരിയായ നടിയാണ് ഹണി റോസ്. വിനയന്‍ സംവിധാനം ചെയ്ത ബോയ് ഫ്രണ്ട് എന്ന സിനിമയിലൂടെ അഭിനയ രംഗത്തേക്ക് വന്ന ഹണി ‘മുതല്‍ കനവ്’ എന്ന സിനിമയിലൂടെയാണ് തമിഴിലും അരങ്ങേറ്റം കുറിക്കുന്നത്. മലയാളത്തില്‍ ട്രിവാന്‍ഡ്രം ലോഡ്ജ്, ഹോട്ടല്‍ കാലിഫോര്‍ണിയ തുടങ്ങിയ സിനിമകളിലെ പ്രകടനം ഏറെ ശ്രദ്ധ നേടി.

മലയാളത്തിന് പുറമെ തമിഴ്, കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുള്ള താരം സമൂഹ മാധ്യമങ്ങളിലും സജീവമാണ്.

ഇപ്പോള്‍ തന്റെ സിനിമയിലെ പുതിയ വേഷത്തെക്കുറിച്ച് പറയുകയാണ് താരം. ആദ്യമായി ഇറച്ചിവെട്ടുകാരിയുടെ വേഷമാണ് താന്‍ ചെയ്യുന്നത്. ഒരു ഇറച്ചിവെട്ടുകാരന്‍ വന്ന് കാര്യങ്ങള്‍ പറഞ്ഞ തന്നിരുന്നു. ആ ചേട്ടന്‍ ചെയ്യുന്നത് നോക്കി ഇറച്ചി വെട്ടി പ്രാക്ടീസ് ചെയ്തിട്ടാണ് ക്യാമറയ്ക്ക് മുന്നില്‍ അഭിനയിക്കാന്‍ എത്തിയത്. പ്രാക്ടീസിന്റെ സമയത്ത് രാവിലെ കുറേ ഇറച്ചി കൊണ്ടുവന്ന് വെക്കും. ഞാന്‍ നിന്ന് വെട്ടും. അവസാനം വെട്ടി വെട്ടി ഇറച്ചി പേസ്റ്റ് പോലെ ആകും എന്നും താരം പറയുന്നു.