മോഹന്ലാല് ആരാധകര് ഏറെ കാത്തിരുന്ന ചിത്രമായിരുന്നു റമ്പാന്. ഒരിടവേളയ്ക്കു ശേഷം ഹിറ്റ് മേക്കര് ജോഷിയും മോഹന്ലാലും ഒന്നിക്കുന്ന ചിത്രമെന്ന നിലയില് സോഷ്യല് മീഡിയയില് ഏറെ ചര്ച്ച ചെയ്യപ്പെട്ട ചിത്രം കൂടിയാണ് റമ്പാന്. എന്നാല് ഈ സിനിമ ഉപേക്ഷിച്ചതായാണ് ഇപ്പോള് പുറത്തുവരുന്ന വിവരങ്ങള്. തിരക്കഥയുമായി ബന്ധപ്പെട്ട ചില പ്രശ്നങ്ങളാണ് സിനിമ ഉപേക്ഷിക്കാന് കാരണമെന്നും റിപ്പോര്ട്ടുകളില് പറയുന്നു.
നടന് ചെമ്പന് വിനോദ് ആണ് റമ്പാന്റെ തിരക്കഥ. സിനിമയുമായി ബന്ധപ്പെട്ട പുതിയ അപ്ഡേറ്റുകളൊന്നും കുറേ കാലമായി അണിയറ പ്രവര്ത്തകര് പുറത്തുവിടുന്നില്ല. അതോടെയാണ് ചിത്രം ഉപേക്ഷിച്ചെന്ന വാര്ത്തകള് പ്രചരിച്ചത്. തിരക്കഥയില് നിന്ന് ചെമ്പന് വിനോദ് മാറിയതാണ് കാരണമെന്നും സ്ഥിരീകരിക്കാത്ത റിപ്പോര്ട്ടുകളുണ്ട്.
റമ്പാന്റെ ഫസ്റ്റ് ലുക്ക് പോസ്റ്റര് അടക്കം നേരത്തെ പുറത്തുവന്നിരുന്നു. ചെമ്പന് വിനോദും ശ്രദ്ധേയമായ വേഷം അവതരിപ്പിക്കേണ്ടതായിരുന്നു. മോഹന്ലാല് അവതരിപ്പിക്കുന്ന റമ്പാന് എന്ന കഥാപാത്രത്തിന്റെ മകളുടെ വേഷത്തില് നടി ബിന്ദു പണിക്കരുടെ മകള് കല്യാണി പണിക്കര് അഭിനയിക്കുമെന്നും വാര്ത്തകള് പുറത്തുവന്നിരുന്നു. സിനിമ ഉപേക്ഷിച്ചു എന്ന് പറയപ്പെടുന്ന വാര്ത്തകളോട് മോഹന്ലാലോ മറ്റ് അണിയറ പ്രവര്ത്തകരോ പ്രതികരിച്ചിട്ടില്ല.
പ്രേക്ഷകര്ക്ക് ഏറെ പ്രിയങ്കരികളാണ് ഗായികമാരാണ് അമൃത സുരേഷും…
നടന് കൃഷ്ണ കുമാറിന് കടുത്ത വിമര്ശനങ്ങള് നേടിക്കൊടുത്ത…
മലയാളികളുടെ പ്രിയ താരമാണ് അമല പോള്. നീലത്താമര…
ആരാധകര്ക്കായി പുതിയ ചിത്രങ്ങള് പങ്കുവെച്ച് നവ്യ നായര്.…
ആരാധകര്ക്കായി പുതിയ ചിത്രങ്ങള് പങ്കുവെച്ച് ഗായ്ത്രി സുരേഷ്.…
ആരാധകര്ക്കായി പുതിയ ചിത്രങ്ങള് പങ്കുവെച്ച് മാളവിക മോഹനന്.…