Mammootty and Kamal Haasan
മമ്മൂട്ടിയെ നായകനാക്കി മഹേഷ് നാരായണന് സംവിധാനം ചെയ്യാനിരിക്കുന്ന സിനിമ ആക്ഷന് ത്രില്ലര് ഴോണറില് ഉള്ളതായിരിക്കുമെന്ന് റിപ്പോര്ട്ട്. കമല്ഹാസനെ നായകനാക്കി ലോകേഷ് കനകരാജ് സംവിധാനം ചെയ്ത സൂപ്പര്ഹിറ്റ് തമിഴ് ചിത്രം ‘വിക്രം’ പോലെ ഒരു മള്ട്ടി സ്റ്റാര് പടമായിരിക്കും ഇതെന്നാണ് വിവരം. മമ്മൂട്ടിക്കൊപ്പം ഫഹദ് ഫാസിലും കുഞ്ചാക്കോ ബോബനും ശ്രദ്ധേയമായ വേഷങ്ങള് അവതരിപ്പിക്കും. മറ്റൊരു തെന്നിന്ത്യന് സൂപ്പര്താരം ചിത്രത്തില് അതിഥി വേഷത്തില് എത്തിയേക്കുമെന്നും റിപ്പോര്ട്ടുകളുണ്ട്.
വൈശാഖ് സംവിധാനം ചെയ്യുന്ന ടര്ബോയുടെ തിരക്കുകള്ക്ക് ശേഷം മമ്മൂട്ടി സിനിമയില് നിന്ന് ചെറിയൊരു ഇടവേളയെടുത്തിരിക്കുകയാണ്. ഏപ്രിലില് ആയിരിക്കും മഹേഷ് നാരായണന് ചിത്രത്തില് മമ്മൂട്ടി ജോയിന് ചെയ്യുക. ബിഗ് ബജറ്റ് സിനിമയുടെ ചിത്രീകരണം പ്രധാനമായും യുഎസ്, യുകെ, ഡല്ഹി എന്നിവിടങ്ങളിലായിരിക്കും.
കുഞ്ചാക്കോ ബോബന്, ഫഹദ് ഫാസില്, മഹേഷ് നാരായണന്, ആന്റോ ജോസഫ് എന്നിവര് ചേര്ന്നാണ് ചിത്രം നിര്മിക്കുന്നത്. കമല് ഹാസനെ നായകനാക്കി ചെയ്യാന് തീരുമാനിച്ച സിനിമയാണ് മഹേഷ് നാരായണന് പിന്നീട് മമ്മൂട്ടിയെ കേന്ദ്ര കഥാപാത്രമാക്കി ചെയ്യാന് പോകുന്നത്. ഇന്ത്യന് 2 ചിത്രത്തിനു വേണ്ടിയാണ് കമല് മഹേഷ് നാരായണന് ചിത്രത്തില് നിന്ന് ഒഴിഞ്ഞതെന്നും റിപ്പോര്ട്ടുകളുണ്ട്.
കഠിനധ്വാനവും അര്പ്പണബോധവും കൊണ്ട് മാത്രമേ പൂര്ണമായ ഫിറ്റ്നസ്…
മിനിസ്ക്രീന് പ്രേക്ഷകര്ക്ക് ഏറെ സുപരിചിതയാണ് അശ്വതി ചാന്ദ്…
സിനിമയ്ക്കു സമൂഹത്തിലുള്ള സ്വാധീനത്തെക്കുറിച്ചും സിനിമാപ്രവര്ത്തകരുടെ ഉത്തരവാദിത്തങ്ങളെക്കുറിച്ചും തുറന്നുപറഞ്ഞ്…
'പ്രേമം' എന്ന സിനിമ നിവിന് പോളിയുടെ കരിയറില്…
അമ്മയായി ജീവിതത്തിലെ പുതിയ ഘട്ടത്തിലൂടെയാണ് കത്രീന കൈഫ്…
രാഹുൽ സദാശിവൻ സംവിധാനം ചെയ്ത ഹൊറർ ത്രില്ലർ…