Aneesh and Unni
സിനിമയ്ക്ക് നെഗറ്റീവ് റിവ്യു ചെയ്തതിന്റെ പേരില് പ്രമുഖ യുട്യൂബര് ഉണ്ണിക്കെതിരെ (ഉണ്ണി വ്ളോഗ്സ്) വധഭീഷണി. ജനുവരി അഞ്ചിന് തിയറ്ററുകളിലെത്തിയ ‘രാസ്ത’ എന്ന സിനിമയുടെ സംവിധായകന് അനീഷ് അന്വര് ആണ് തനിക്കെതിരെ ഫോണിലൂടെ വധഭീഷണി മുഴക്കിയതെന്ന് ഉണ്ണി യുട്യൂബ് വീഡിയോയില് പറഞ്ഞു. അനീഷ് അന്വറിനെതിരെ താന് പൊലീസില് പരാതി നല്കിയിട്ടുണ്ടെന്നും ഉണ്ണി പറഞ്ഞു.
സംസ്ഥാന ചലച്ചിത്ര പുരസ്കാരം നേടിയ സംവിധായകനാണ് അനീഷ് അന്വര്. മാതൃത്വത്തെ കുറിച്ച് കഥ പറഞ്ഞ സക്കറിയയുടെ ഗര്ഭിണികള് എന്ന സിനിമയാണ് 2014 ലെ സംസ്ഥാന അവാര്ഡിനു അനീഷ് അന്വറെ അര്ഹനാക്കിയത്. അങ്ങനെയൊരു സംവിധായകന് തന്റെ അമ്മയെ അടക്കം ആക്ഷേപിച്ചു സംസാരിച്ചെന്നും അതുകൊണ്ടാണ് കേസുമായി മുന്നോട്ടു പോകാന് തീരുമാനിച്ചതെന്നും ഉണ്ണി പറഞ്ഞു. തന്നെ ജാതീയമായി അധിക്ഷേപിക്കുന്ന തരത്തിലുള്ള അശ്ലീല വാക്കുകള് അടക്കം അനീഷ് ഉപയോഗിച്ചെന്നും ഉണ്ണി ആരോപിച്ചു.
മുല്ലമൊട്ടും മുന്തിരിച്ചാറും, സക്കറിയയുടെ ഗര്ഭിണികള്, കുമ്പസാരം, ബഷീറിന്റെ പ്രേമലേഖനം, മൈ ഗ്രേറ്റ് ഗ്രാന്ഡ് ഫാദര് എന്നീ സിനിമകള് സംവിധാനം ചെയ്ത അനീഷ് അന്വറിന്റെ ഏറ്റവും പുതിയ ചിത്രമാണ് രാസ്ത. സര്ജാനോ ഖാലിദ്, അനഘ നാരായണന്, ആരാധ്യ ആന്, സുധീഷ്, ഇര്ഷാദ് അലി, ടി.ജി.രവി എന്നിവരാണ് ചിത്രത്തില് പ്രധാന വേഷങ്ങള് അവതരിപ്പിച്ചിരിക്കുന്നത്.
മലയാളികളുടെ പ്രിയപ്പെട്ട നടിയാണ് ലക്ഷ്മി ?ഗോപാലസ്വാമി. അരയന്നങ്ങളുടെ…
മദ്യപാനത്തോടുള്ള ആശ്രിതത്വത്തെക്കുറിച്ച് ജാന്വി കപൂര് നടത്തിയ തുറന്നുപറച്ചിലുകളാണ്…
മമ്മൂട്ടിയെക്കുറിച്ച് പരിചയക്കാരും സഹപ്രവര്ത്തകരും എപ്പോഴും പറയുന്ന കാര്യങ്ങളിലൊന്നാണ്…
അഭിനേതാക്കള്ക്കിടയില് നിരവധി സംവിധായകരുണ്ട് ഇന്ന്. അതില് പ്രതിഭ…
തെന്നിന്ത്യന് സിനിമ ലോകത്തെ ഒരുപോലെ കരയിച്ച വിയോഗങ്ങളിലൊന്നായിരുന്നു…