വളരെ വ്യത്യസ്തമായ ഴോണറില്‍ കൈ വയ്ക്കാന്‍ മമ്മൂട്ടി; സംവിധാനം കലൂര്‍ ഡെന്നീസിന്റെ മകന്‍ !

പ്രമുഖ തിരക്കഥാകൃത്ത് കലൂര്‍ ഡെന്നീസിന്റെ മകന്‍ ഡീന്‍ ഡെന്നീസ് ആദ്യമായി സംവിധാനം ചെയ്യുന്ന ചിത്രത്തില്‍ മമ്മൂട്ടി നായകനാകും. ഏപ്രിലില്‍ ചിത്രത്തിന്റെ ഷൂട്ടിങ് ആരംഭിക്കും. ഈ വര്‍ഷം തന്നെ ചിത്രം റിലീസ് ചെയ്യാനാണ് സാധ്യത.

മലയാളത്തില്‍ ഇതുവരെ പരീക്ഷിച്ചിട്ടില്ലാത്ത ഒരു ഴോണറാണ് ഈ ചിത്രം. മൈന്‍ഡ് ഗെയിം ത്രില്ലറായ ചിത്രത്തിന്റെ ഛായാഗ്രഹണം കുറുപ്പ്, റോഷാക്ക്, കിങ് ഓഫ് കൊത്ത എന്നിവയിലൂടെ ശ്രദ്ധേയനായ നിമിഷ് രവിയാണ്. ഗോകുലം ഗോപാലനാണ് ചിത്രം നിര്‍മിക്കുന്നത്.

റോബി വര്‍ഗീസ് രാജ് സംവിധാനം ചെയ്യുന്ന കണ്ണൂര്‍ സ്‌ക്വാഡിലാണ് മമ്മൂട്ടി ഇപ്പോള്‍ അഭിനയിച്ചുകൊണ്ടിരിക്കുന്നത്. ജിയോ ബേബി സംവിധാനം ചെയ്യുന്ന കാതല്‍, തെലുങ്ക് ചിത്രം ഏജന്റ് എന്നീ ചിത്രങ്ങളാണ് ഇനി മമ്മൂട്ടിയുടേതായി പുറത്തുവരാനുള്ളത്.