മാളവിക മോഹനനും മാത്യു തോമസും കേന്ദ്ര കഥാപാത്രങ്ങളെ അവതരിപ്പിക്കുന്ന പുതിയ ചിത്രമാണ് ക്രിസ്റ്റി. ചിത്രത്തിന്റെ പോസ്റ്ററുകളെല്ലാം ഇതിനോടകം തന്നെ സോഷ്യല്‍ മീഡിയയില്‍ ശ്രദ്ധിക്കപ്പെട്ടു കഴിഞ്ഞു. ക്രിസ്റ്റിയിലെ ഒരു ഇന്റിമേറ്റ് രംഗം ഷൂട്ട് ചെയ്ത അനുഭവം തുറന്നുപറയുകയാണ് മാളവിക. മിര്‍ച്ചി മലയാളത്തിനു നല്‍കിയ അഭിമുഖത്തിലാണ് മാത്യുവുമായുള്ള കിസ്സിങ് രംഗത്തെ കുറിച്ച് മാളവിക മനസ്സുതുറന്നത്. ആ രംഗം ചിത്രീകരിച്ചത് വളരെ രസകരമായാണെന്ന് മാളവിക പറഞ്ഞു.
‘ ക്രിസ്റ്റി സിനിമയില്‍ മാത്യുവിന്റെ കഥാപാത്രം റോയ് ക്രിസ്റ്റിയെ കിസ് ചെയ്യാന്‍ വരുന്ന ഒരു സീനുണ്ട്. അല്ലെങ്കില്‍ കിസ് ചെയ്യാന്‍ ആഗ്രഹിക്കുന്ന ഒരു സീനുണ്ട്. കിസ് നടക്കുമോ ഇല്ലയോ എന്നൊന്നും നമുക്ക് അറിയില്ല. അത് അറിയണമെങ്കില്‍ പടം കാണണം. ആ സീന്‍ എടുത്തത് ഭയങ്കര തമാശയായിരുന്നു. കാരണം മാത്യു ആ സമയത്ത് ഭയങ്കര ഓക്ക്വേര്‍ഡ് ആയിരുന്നു. ആകെ പേടിച്ചിരിക്കുകയായിരുന്നു. ഞാനും ഓണ്‍സ്‌ക്രീന്‍ കിസ് ചെയ്തിട്ടില്ല. കിസ് ചെയ്യാന്‍ വരുമ്പോഴുള്ള ഒരു ഇന്റിമസി ഉണ്ടല്ലോ, അതൊക്കെ എടുത്തത് ഭയങ്കര തമാശയായിരുന്നു. ഒരുപാട് ടേക്ക്സ് പോയി,’ മാളവിക പറഞ്ഞു.
നവാഗതനായ ആല്‍വിന്‍ ഹെന്റിയാണ് ക്രിസ്റ്റിയുടെ സംവിധായകന്‍. ബെന്യാമിനും ജി.ആര്‍.ഇന്ദുഗോപനും ചേര്‍ന്നാണ് തിരക്കഥ. ആനന്ദ് സി.ചന്ദ്രനാണ് ഛായാഗ്രഹണം.
നിതീഷ് തിവാരിയുടെ സംവിധാനത്തിൽ രൺബീർ കപൂർ, സായ്…
വർഷങ്ങൾ എത്ര കഴിഞ്ഞാലും മലയാളി പ്രേക്ഷകർ ചർച്ച…
റെജിൻ എസ്. ബാബു രചനയും സംവിധാനവും നിർവഹിക്കുന്ന…
തമിഴ്, മലയാളം സിനിമകളില്‍ ശ്രദ്ധേയയായ നടിയാണ് ഇനിയ.…
നടി ശ്രുതി മേനോന്റെ വിവാഹ വാര്‍ഷികമാണ് ഇന്ന്.…
സിനിമയുടെ ഷൂട്ടിംഗിനിടയിലെ അപ്രതീക്ഷിത അപകടവും, തുടര്‍ന്നുണ്ടായ ശാരീരിക…