ആലിയയെ ചേര്‍ത്ത് നിര്‍ത്തി രണ്‍ബീര്‍; ബേബി ഷവര്‍ചിത്രങ്ങള്‍

സൂപ്പര്‍താരങ്ങളായ ആലിയ ഭട്ടും രണ്‍ബീര്‍ കപൂറും തങ്ങളുടെ ആദ്യകുഞ്ഞിനെ വരവേല്‍ക്കാനുള്ള ഒരുക്കത്തിലാണ്. ആലിയയുടെ ബേബി ഷവര്‍ ചിത്രങ്ങളാണ് ഇപ്പോള്‍ പുറത്തുവന്നിരിക്കുന്നത്. ആലിയെ ചേര്‍ത്തു നിര്‍ത്തുന്ന രണ്‍ബീറിനെയും സമീപത്തുകാണാം.

മഞ്ഞനിറത്തിലുള്ള വസ്ത്രമാണ് ആലിയ ചടങ്ങില്‍ ധരിച്ചത്. ചിത്രത്തില്‍ ഏറെ മനോഹരിയാണ് താരം.

മുംബൈയിലെ വസതിയില്‍ വെച്ചാണ് ചടങ്ങുകള്‍ നടന്നത്. ഇരുവരുടെയും അടുത്ത സുഹൃത്തുക്കളും ബന്ധുക്കളുമെല്ലാം ചടങ്ങില്‍ പങ്കെടുത്തിരുന്നു. ഷഹീന്‍ ഭട്ട്, നീതു കപൂര്‍, റിദ്ധിമ കപൂര്‍ സാഹ്നി, കരിഷ്മ കപൂര്‍, കരണ്‍ ജോഹര്‍ തുടങ്ങിയവരെല്ലാം ചടങ്ങില്‍ പങ്കെടുത്തു.

അമ്മയാവുന്നു എന്ന വിശേഷം ആലിയ അടുത്തിടെയാണ് സോഷ്യല്‍ മീഡിയയിലൂടെ ആരാധകരെ അറിയിച്ചത്. ഏപ്രില്‍ മാസത്തിലായിരുന്നു ഇവരുടെ വിവാഹം.