വിനായകന്‍ മീ ടുവിനെതിരെ സംസാരിക്കുമ്പോള്‍ എന്തുകൊണ്ട് നവ്യ ഇടപെട്ടില്ല? മറുപടിയുമായി താരം

വിനായകന്‍ കഴിഞ്ഞദിവസം ഒരുത്തീ എന്ന സിനിമയ്ക്കു വേണ്ടി നടത്തിയ വാര്‍ത്താസമ്മേളനത്തില്‍ പറഞ്ഞ വാക്കുകള്‍ വിവാദമായതോടെ പ്രതികരണവുമായി നവ്യ നായര്‍. വേദിയില്‍ നവ്യ ഉണ്ടായിട്ടും എന്തുകൊണ്ട് പ്രതികരിച്ചില്ല എന്ന് ചോദ്യത്തിന് നടി തന്നെ ഉത്തരം നല്‍കുന്നു.അപ്പോള്‍ തനിക്ക് പ്രതികരിക്കാന്‍ പറ്റുന്ന സാഹചര്യം ആയിരുന്നില്ലെന്നായിരുന്നു എന്നാണ് നവ്യ പറഞ്ഞത്. സംവിധായകന്‍ വി.കെ.പ്രകാശും നവ്യക്കൊപ്പം ഉണ്ടായിരുന്നു.

വിനായകന്റെ വിവാദ പരാമര്‍ശത്തിനെതിരെ സോഷ്യല്‍ മീഡിയയില്‍ നിരവധിപേര്‍ രംഗത്തെത്തിയിരുന്നു. ആണ്‍ പ്രിവില്ലേജിന്റെ അഹന്തയിലാണ് വിനായകന്‍ സംസാരിച്ചതെന്നാണ് പ്രധാന വിമര്‍ശനം.

വിനായകന്റെ വാക്കുകള്‍:

‘എന്താണ് മീ ടൂ? എനിക്ക് അറിയില്ല. പെണ്ണിനെ കയറിപ്പിടിക്കുന്നതാണോ? ഞാന്‍ ചോദിക്കട്ടെ, ഒരു പെണ്ണുമായി എനിക്ക് ശാരീരിക ബന്ധത്തില്‍ ഏര്‍പ്പെടണം എന്നുണ്ടെങ്കില്‍ എന്തു ചെയ്യും? എന്റെ ലൈഫില്‍ ഞാന്‍ പത്ത് സ്ത്രീകളുമായി ശാരീരിക ബന്ധത്തില്‍ ഏര്‍പ്പെട്ടിട്ടുണ്ട്. ആ പത്ത് സ്ത്രീകളോടും എന്നോടൊപ്പം ഫിസിക്കല്‍ റിലേഷന്‍ഷിപ്പില്‍ ഏര്‍പ്പെടുമോ എന്ന് ഞാനാണു ചോദിച്ചത്. അതാണ് നിങ്ങള്‍ പറയുന്ന മീ ടൂ എങ്കില്‍ ഞാന്‍ ഇനിയും ചോദിക്കും. എന്നോട് ഒരു പെണ്ണും ഇങ്ങോട്ടു വന്നു ചോദിച്ചിട്ടില്ല.’ – വിനായകന്‍ പറഞ്ഞു.