ജയസൂര്യക്കൊപ്പം സിനിമ ചെയ്യുന്നില്ല എന്ന് തീരുമാനിച്ചതിന്റെ കാരണം വെളിപ്പെടുത്തി അനൂപ് മേനോന്‍

കാട്ടുചെമ്പകം മുതല്‍ ഹോട്ടല്‍ കാലിഫോര്‍ണിയ വരെ ഒട്ടേറെ സിനിമകളില്‍ ഒന്നിച്ച് അഭിനയിച്ച താരങ്ങളാണ് ജയസൂര്യയും അനൂപ് മേനോനും. ഹോട്ടല്‍ കാലിഫോര്‍ണിയ ചെയ്തതിനു ശേഷം ഇനി ഒരുമിച്ച് സിനിമ ചെയ്യേണ്ട എന്ന് ജയസൂര്യയും അനൂപ് മേനോനും ഒന്നിച്ച് തീരുമാനമെടുത്തിരുന്നു. അതിനൊരു കാരണവുമുണ്ട്. ആ കാരണത്തെ കുറിച്ച് സംസാരിക്കുകയാണ് അനൂപ് മേനോന്‍ ഇപ്പോള്‍.

ഒന്നിച്ച് സിനിമ ചെയ്യേണ്ട എന്ന് തങ്ങള്‍ ഇരുവരും ചേര്‍ന്നാണ് തീരുമാനിച്ചതെന്ന് അനൂപ് മേനോന്‍ പറയുന്നു. രണ്ട് പേര്‍ക്കും അവരവരുടേതായ സ്‌പേസ് ഉണ്ടാകാന്‍ വേണ്ടിയായിരുന്നു ഇങ്ങനെയൊരു തീരുമാനം.

‘ഹോട്ടല്‍ കാലിഫോര്‍ണിയ ചെയ്തു കൊണ്ടിരിക്കുന്ന സമയത്ത് ഞങ്ങള്‍ തന്നെ എടുത്ത തീരുമാനമാണ് അടുത്ത രണ്ടു വര്‍ഷത്തേക്കു ഒന്നിച്ചു സിനിമ ചെയ്യുന്നില്ല എന്നത്. അതിനു കാരണം എനിക്കു എന്റേതായ ഒരു യാത്രയും അയാള്‍ക്കു അയാളുടേതായ യാത്രയും അനിവാര്യമായതു കൊണ്ടാണ്. ഒരു കോമ്പോ ജേര്‍ണിയല്ല ഞങ്ങള്‍ക്കു വേണ്ടത് എന്ന തിരിച്ചറിവു കൊണ്ടാണ്. അതു ശരിയായ തീരുമാനവുമായിരുന്നു. കാരണം ഞാനും ജയനും ഇതിനോടകം വളരെയധികം സിനിമകളുടെ ഭാഗമായി. അതിനു ശേഷം ഞങ്ങള്‍ ഓരോ വര്‍ഷം കാണുമ്‌ബോളും അടുത്ത പടം ചെയ്യുന്നതിനെ പറ്റി ആലോചിക്കും. എന്നാല്‍ അത് ഇതുവരെ നടന്നില്ല.’ അനൂപ് മേനോന്‍ പറഞ്ഞു.