പ്രതിഫലം ഇരട്ടിയാക്കി പ്രിയാമണി; ഒരു ദിവസം അഭിനയിക്കാന്‍ താരം വാങ്ങുന്നത് എത്ര രൂപയാണെന്ന് അറിയാമോ?

ഒറ്റയടിക്ക് പ്രതിഫലം ഇരട്ടിയാക്കി തെന്നിന്ത്യന്‍ നടി പ്രിയാമണി. ഒ.ടി.ടി. റിലീസായ ‘ഭാമ കലാപം’ റിലീസായതിനു പിന്നാലെയാണ് പ്രിയാമണി തന്റെ പ്രതിഫലം ഉയര്‍ത്തിയതെന്നാണ് റിപ്പോര്‍ട്ട്.

നേരത്തെ ഒരു ദിവസം അഭിനയിക്കാന്‍ ഒന്നര ലക്ഷം രൂപ മുതല്‍ രണ്ട് ലക്ഷം രൂപ വരെയാണ് പ്രിയാമണി പ്രതിഫലം വാങ്ങിയിരുന്നത്. പുതിയ സിനിമകള്‍ക്കായി പ്രിയാമണി വാങ്ങുന്നത് മൂന്ന് ലക്ഷം മുതല്‍ നാല് ലക്ഷം രൂപ വരെയാണ്.

Priya Mani

പ്രതിഫലം ഉയര്‍ത്തിയതിനെ പ്രിയാമണി ന്യായീകരിച്ചു. നടന്‍മാര്‍ പ്രതിഫലം ഉയര്‍ത്തുന്നത് സാധാരണ കാര്യമായും നടിമാര്‍ അത് ചെയ്യുമ്പോള്‍ അസാധാരണ കാര്യമായും കാണുന്നത് എന്തുകൊണ്ടാണെന്ന് പ്രിയാമണി ചോദിച്ചു.

കഷ്ടപ്പെടുന്നതിനു അര്‍ഹമായ പണം ചോദിച്ചു വാങ്ങുന്നതില്‍ യാതൊരു തെറ്റുമില്ലെന്നും തനിക്ക് അര്‍ഹതപ്പെട്ടതാണ് വാങ്ങുന്നതെന്നും പ്രിയാമണി പറഞ്ഞു.