Anjali Nair
നടി അഞ്ജലി നായര് വിവാഹിതയായി. സഹസംവിധായകന് അജിത് രാജുവാണ് വരന്. ഇരുവരുടേയും രണ്ടാം വിവാഹമാണ്.
നവംബര് 21 നാണ് യഥാര്ഥത്തില് വിവാഹം കഴിഞ്ഞത്. അജിത് സോഷ്യല് മീഡിയയില് റിലേഷന്ഷിപ്പ് സ്റ്റാറ്റസ് അപ്ഡേറ്റ് ചെയ്തതോടെയാണ് കാര്യം ആരാധകര് അറിഞ്ഞത്. ഇരുവരും ഒന്നിച്ചുള്ള ചിത്രങ്ങളും സോഷ്യല് മീഡിയയില് വൈറലായി.
ബാലതാരമായി അഭിനയം തുടങ്ങിയ അഞ്ജലി മോഡലും അവതാരകയുമായി പ്രവര്ത്തിച്ചിരുന്നു. നിരവധി ശ്രദ്ധിക്കപ്പെട്ട ആല്ബങ്ങളുടെയും ഭാഗമായിരുന്നു.
Anjali Nair
നെല്ല് എന്ന തമിഴ് ചിത്രത്തിലൂടെയാണ് നായികയായി അരങ്ങേറുന്നത്. സീനിയേഴ്സിലൂടെയാണ് മലയാളത്തിലേക്ക് എത്തുന്നത്. വെനീസിലെ വ്യാപാരി, മാറ്റിനി, അഞ്ച് സുന്ദരികള്, പട്ടം പോലെ, എബിസിഡി, മുന്നറിയിപ്പ്, സെക്കന്ഡ്സ്, മിലി, കമ്മട്ടിപ്പാടം, ആന്മരിയ കലിപ്പിലാണ്, പുലിമുരുകന്, ഒപ്പം, ടേക്ക് ഓഫ്, കല്ക്കി, ദൃശ്യം 2, കാവല് തുടങ്ങിയ ചിത്രങ്ങളില് ശ്രദ്ധേയ വേഷങ്ങള് ചെയ്തു. മോഹന്ലാല് ചിത്രം ആറാട്ടിലാണ് ഒടുവില് അഭിനയിച്ചത്.
തെന്നിന്ത്യയില് വിവിധ ഭാഷകളിലായി 125-ഓളം സിനിമകളില് അഞ്ജലി അഭിനയിച്ചു.
സംവിധായകന് അനീഷ് ഉപാസനയെയാണ് അഞ്ജലി ആദ്യം വിവാഹം കഴിച്ചത്. 2011 ലായിരുന്നു ഈ വിവാഹം. ഈ ബന്ധത്തില് ഒരു മകളുമുണ്ട്. 2016 ല് ഇരുവരും ബന്ധം വേര്പ്പെടുത്തി. അജിത് രാജുവും ആദ്യ വിവാഹബന്ധം നിയമപരമായി വേര്പ്പെടുത്തിയാണ് അഞ്ജലിയെ വിവാഹം കഴിച്ചത്.
ഇന്ത്യന് ചലച്ചിത്ര സംഗീതത്തെ സമ്പന്നമാക്കിയ ഗായികയാണ് എസ്.…
ദക്ഷിണേന്ത്യന് സംഗീതലോകത്തിന്റെ വാനമ്പാടിയായ എസ്. ജാനകിയുടെ വിയോഗത്തില്…
ചിലര് തന്റെ മകനെ തട്ടിയെടുക്കാന് ശ്രമിക്കുന്നതായി രേണു…
നടന് കൃഷ്ണ കുമാറിന്റെ വീട്ടിലെ സംഭവങ്ങളാണ് കഴിഞ്ഞ…
ആഭ്യന്തര മന്ത്രി രമേശ് ചെന്നിത്തലയ്ക്ക് മറുപടിയുമായി നടി…