Kunchako Boban
ജെയിംസ് ആല്‍ബര്‍ട്ടിന്റെ തിരക്കഥയില്‍ ലാല്‍ ജോസ് സംവിധാനം ചെയ്ത സൂപ്പര്‍ഹിറ്റ് സിനിമയാണ് ക്ലാസ്മേറ്റ്സ്. 2006 ലാണ് ചിത്രം റിലീസ് ചെയ്തത്. ക്യാംപസുകളില്‍ വന്‍ തരംഗം തീര്‍ത്ത ഈ സിനിമയില്‍ പൃഥ്വിരാജ്, കാവ്യ മാധവന്‍, ഇന്ദ്രജിത്ത്, ജയസൂര്യ, നരെയ്ന്‍ തുടങ്ങി വന്‍ താരനിര അണിനിരന്നു. ഈ സിനിമയുമായി ബന്ധപ്പെട്ട് നിരവധി അണിയറ രഹസ്യങ്ങള്‍ പില്‍ക്കാലത്ത് ആരാധകര്‍ അറിഞ്ഞിട്ടുണ്ട്. അതിലൊന്നാണ് ക്ലാസ്മേറ്റ്സിലേക്ക് കുഞ്ചാക്കോ ബോബനെ ആദ്യം പരിഗണിച്ചിരുന്നു എന്ന വാര്‍ത്ത.
ലാല്‍ ജോസ് തന്നെയാണ് ഇക്കാര്യം ഒരിക്കല്‍ വെളിപ്പെടുത്തിയത്. കുഞ്ചാക്കോ ബോബനെ പ്രധാന കഥാപാത്രമായി തീരുമാനിച്ചിരുന്നു. ഇക്കാര്യം കുഞ്ചാക്കോ ബോബനും അറിയാമായിരുന്നു. നരെയ്ന്‍ ചെയ്ത മുരളി എന്ന കഥാപാത്രം ചെയ്യാനാണ് കുഞ്ചാക്കോ ബോബനെ ആദ്യം തീരുമാനിച്ചത്. പിന്നീട് ചില കാരണങ്ങളാല്‍ സിനിമ നീണ്ടുപോകുകയും കുഞ്ചാക്കോ ബോബന് പകരം മുരളി എന്ന കഥാപാത്രം ചെയ്യാന്‍ നരെയ്നെ തീരുമാനിക്കുകയുമായിരുന്നു.
Kunchako Boban
ബാംഗ്ലൂരിലെ ഒരു എഞ്ചിനീയറിങ് കോളേജില്‍ നടക്കുന്ന കഥ എന്ന നിലയിലാണ് ക്ലാസ്മേറ്റ്സ് ആദ്യം ചെയ്യാന്‍ വിചാരിച്ചത്. പിന്നീടാണ് ഇത് കേരളത്തിലെ ഒരു ക്യാംപസിലേക്ക് പറിച്ചു നടപ്പെട്ടത്. ബാംഗ്ലൂര്‍ എഞ്ചിനീയറിങ് കോളേജിലെ കഥ എന്ന നിലയില്‍ ആലോചിച്ച സമയത്ത് കുഞ്ചാക്കോ ബോബനെയായിരുന്നു മുരളിയെ അവതരിപ്പിക്കാന്‍ തീരുമാനിച്ചത്. പിന്നീടാണ് കുഞ്ചാക്കോ ബോബന് മറ്റ് തിരക്കുകളാല്‍ ക്ലാസ്‌മേറ്റ്‌സില്‍ നിന്ന് പിന്മാറിയത്.
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് അഹാന. ഇന്‍സ്റ്റഗ്രാമിലാണ്…
തെന്നിന്ത്യയില്‍ ഏറെ ആരാധകരുള്ള നടിയാണ് ശോഭന. അഭിനേത്രി…
ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് പ്രിയാ വാര്യ.…