മമ്മൂട്ടിക്കൊപ്പം അരങ്ങേറ്റം, ആദ്യ സിനിമയില്‍ സംസ്ഥാന അവാര്‍ഡ്; പ്രായം അമ്പത് കഴിഞ്ഞിട്ടും മലയാളികളെ വിസ്മയിപ്പിക്കുന്ന നടി

മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങി മലയാളത്തിലെ സൂപ്പര്‍താരങ്ങള്‍ക്കൊപ്പമെല്ലാം അഭിനയിക്കാന്‍ അവസരം ലഭിച്ച നടിയാണ് ലക്ഷ്മി ഗോപാലസ്വാമി. അറിയപ്പെടുന്ന നര്‍ത്തകി കൂടിയാണ് ലക്ഷ്മി. താരത്തിന്റെ ജന്മദിനമാണ് ഇന്ന്.

1970 ജനുവരി ഏഴിന് ബെംഗളൂരുവിലാണ് ലക്ഷ്മി ജനിച്ചത്. തന്റെ 52-ാം ജന്മദിനമാണ് ലക്ഷ്മി ഇന്ന് ആഘോഷിക്കുന്നത്. മലയാളത്തിനു പുറമേ തമിഴ്, കന്നഡ, തെലുങ്ക് ഭാഷകളിലും ലക്ഷ്മി അഭിനയിച്ചിട്ടുണ്ട്. മമ്മൂട്ടി ചിത്രം അരയന്നങ്ങളുടെ വീട് ആണ് ലക്ഷ്മിയുടെ അരങ്ങേറ്റ സിനിമ.

അരയന്നങ്ങളുടെ വീട് റിലീസ് ചെയ്തത് രണ്ടായിരത്തിലാണ്. ലോഹിതദാസ് ആണ് രചനയും സംവിധാനവും നിര്‍വഹിച്ചത്. മമ്മൂട്ടിയുടെ ഭാര്യയായാണ് ലക്ഷ്മി അഭിനയിച്ചത്. ഈ കഥാപാത്രം ഏറെ ശ്രദ്ധിക്കപ്പെട്ടു. സംസ്ഥാന ചലച്ചിത്ര പുരസ്‌കാരത്തില്‍ മികച്ച രണ്ടാമത്തെ നടിക്കുള്ള അവാര്‍ഡ് ലക്ഷ്മി സ്വന്തമാക്കി.