Dileep
ജനപ്രിയ നായകന് ദിലീപിന്റെ വേഷപ്പകര്ച്ചയുമായി കേശു ഈ വീടിന്റെ നാഥന് റിലീസിന് ഒരുങ്ങുന്നു. ചിത്രത്തിലെ ഗാനം അണിയറ പ്രവര്ത്തകര് പുറത്തുവിട്ടു. സിനിമയിലെ ആദ്യ വീഡിയോ ഗാനമാണ് ഇന്ന് റിലീസ് ചെയ്തത്.
‘പുന്നാര പൂങ്കാറ്റില്’ എന്ന് തുടങ്ങുന്ന വീഡിയോ ഗാനമാണ് യൂട്യൂബില് റിലീസ് ചെയ്തിരിക്കുന്നത്. സുജേഷ് ഹരിയുടെ വരികള്ക്ക് നാദിര്ഷായാണ് ഈണം പകര്ന്നിരിക്കുന്നത്. ആലാപനം സാക്ഷാല് ഗാനഗന്ധര്വന് യേശുദാസ് ആണ്. പ്രേക്ഷകരെ പൊട്ടിച്ചിരിപ്പിക്കുന്ന ഒട്ടേറെ രംഗങ്ങള് ഈ പാട്ടിലുണ്ട്.
പാട്ടിലെ വിഷ്വല്സ് തന്നെയാണ് കൂടുതല് ശ്രദ്ധിക്കപ്പെട്ടിരിക്കുന്നത്. പഴയ ജനപ്രിയ നായകനെ ഞങ്ങള്ക്ക് തിരിച്ചുകിട്ടിയെന്നാണ് ആരാധകര് കമന്റ് ചെയ്തിരിക്കുന്നത്. ഉര്വശിയും രസകരമായ രീതിയിലാണ് വീഡിയോ ഗാനത്തില് പ്രത്യക്ഷപ്പെടുന്നത്.
സജീവ് പാഴൂരിന്റെ തിരക്കഥയില് നാദിര്ഷായാണ് കേശു ഈ വീടിന്റെ നാഥന് സംവിധാനം ചെയ്തിരിക്കുന്നത്. ദിലീപിനും ഉര്വശിക്കും പുറമേ കലാഭവന് ഷാജോണ്, ഹരിശ്രീ അശോകന്, കോട്ടയം നസീര്, ഹരീഷ് കണാരന്, ജാഫര് ഇടുക്കി, അനുശ്രീ, സ്വാസിക എന്നിവരും ഈ സിനിമയില് അഭിനയിച്ചിട്ടുണ്ട്. ദിലീപും ഡോക്ടര് സക്കറിയ തോമസും കൂടിയാണ് സിനിമ നിര്മിച്ചിരിക്കുന്നത്. ക്രിസ്മസിന് ഡിസ്നി പ്ലസ് ഹോട്ട് സ്റ്റാറിലാണ് കേശു ഈ വീടിന്റെ നാഥന് റിലീസ് ചെയ്യുക.
മലയാളികളുടെ എക്കാലത്തെയും പ്രിയപ്പെട്ട നടന്മാരിലൊരാളാണ് ബിജു മേനോന്.…
അന്യഭാഷാ സിനിമകള് ചെയ്യാത്തതിന്റെ കാരണം പറഞ്ഞ് നടന്…
കണ്മണിക്കായുള്ള കാത്തിരിപ്പിലാണ് തെന്നിന്ത്യന് താരം സാമന്ത ഇപ്പോള്.…
ഡാന്സ് റിയാലിറ്റി ഷോയിലൂടെ കരിയര് തുടങ്ങിയ നടിയാണ്…
മലയാള ചലച്ചിത്ര രംഗത്ത് തന്റേതായ ഇടം കണ്ടെത്തിയ…
തെന്നിന്ത്യൻ സിനിമാ പ്രേമികളുടെ പ്രിയങ്കരിയായ നടി സുനൈന…