Categories: latest news

ഇന്റിമേറ്റ് രംഗങ്ങള്‍ ചോര്‍ന്നതില്‍ മാനസിക സമ്മര്‍ദ്ദം ഉണ്ടായി; രാധിക ആപ്‌തെ

ഇന്റിമേറ്റ് രംഗങ്ങള്‍ ചോര്‍ന്നതിന്റെ പേരില്‍ നേരിടേണ്ടി മാനസിക സമ്മര്‍ദ്ദത്തെക്കുറിച്ച് തുറന്നു പറഞ്ഞ് നടി രാധിക ആപ്തെ. വിഡിയോ പുറത്തായതിന് പിന്നാലെ താന്‍ പേടി കാരണം ദിവസങ്ങളോളം വീടിന് പുറത്തിറങ്ങുക പോലും ചെയ്തില്ലെന്നാണ് രാധിക ആപ്തെ പറയുന്നത്. ഇന്ത്യ ടുഡെയ്ക്ക് നല്‍കിയ അഭിമുഖത്തിലാണ് രാധികയുടെ വെളിപ്പെടുത്തല്‍.

”ഒരിക്കല്‍ ഞാന്‍ അഭിനയിച്ചൊരു രംഗം ലീക്കായി. നാല് ദിവസത്തോളം എനിക്ക് വീടിന് പുറത്തിറങ്ങാന്‍ പോലും സാധിച്ചില്ല. പ്രശ്നം വീടുവരെ എത്തുമെന്നതായിരുന്നു എന്നെ ഭയപ്പെടുത്തിയത്. അനിഷ്ടം തോന്നിയവര്‍ എന്നെ തേടി വീട്ടിലേക്ക് വരുമെന്ന് വരെ ഞാന്‍ ഭയന്നു” എന്നാണ് രാധിക ആപ്തെ പറയുന്നത്.

”അത് വലിയ പ്രശ്നമായിരുന്നു. എന്റെ സ്‌റ്റൈലിസ്റ്റ് പറഞ്ഞത് ഞാന്‍ ഓര്‍ക്കുന്നുണ്ട്. അവരുടെ ഡ്രൈവര്‍ ആ വിഡിയോ വീണ്ടും വീണ്ടും കാണുകയും ഇവരുടെ വീട്ടിലേക്കാണോ നിങ്ങള്‍ പോകുന്നതെന്ന് അവരോട് ചോദിക്കുകയും ചെയ്തു. എന്റെ വാച്ച്മാനും ആ വിഡിയോ കണ്ടിരുന്നു. അതൊക്കെ കൈകാര്യം ചെയ്യുക വളരെയേറെ ബുദ്ധിമുട്ടായിരുന്നു” രാധിക പറയുന്നു.

”ഒടുവില്‍ ഞാന്‍ എന്റെ ഡ്രൈവറേയും സ്പോട്ട് ദാദയേയും വിളിച്ചു. ഇങ്ങനൊരു വിഡിയോയുണ്ട്. നിങ്ങള്‍ കണ്ടിട്ടുണ്ടോ എന്ന് ചോദിച്ചു. നിങ്ങള്‍ കണ്ടിട്ടില്ലെങ്കില്‍ ഞാന്‍ തന്നെ അയച്ചു തരാമെന്ന് പറഞ്ഞു. നിങ്ങളത് കാണണം. നിങ്ങള്‍ക്ക് അതില്‍ പ്രശ്നമൊന്നും തോന്നുന്നില്ലെങ്കില്‍ നിങ്ങള്‍ എന്നെ സംരക്ഷിക്കണം. ഇല്ലെങ്കില്‍ എനിക്ക് വേണ്ടി ജോലി ചെയ്യേണ്ട. നിങ്ങള്‍ക്ക് പോകാം, ശമ്പളം തന്നോളാം എന്നു പറഞ്ഞു. നിങ്ങളെ ഞങ്ങള്‍ നോക്കിക്കോളാം എന്ന് അവര്‍ രണ്ടു പേരും പറഞ്ഞു. ആ സമയം ഞാന്‍ ഒറ്റയ്ക്കായിരുന്നു താമസിച്ചിരുന്നത്. അതിനാല്‍ ഞാനാകെ ഭയന്നിരുന്നു” രാധിക പറയുന്നു.

ജോയൽ മാത്യൂസ്

Recent Posts

വിവാദങ്ങളെ അതിജീവിച്ച് അഭിനയലോകത്ത് സജീവമായി ശ്രുതി നാരായണൻ!

തമിഴ് ടെലിവിഷൻ പ്രേക്ഷകരുടെ പ്രിയപ്പെട്ട പരമ്പരകളിലൂടെ ശ്രദ്ധേയയായ…

2 hours ago

ഐറ്റം ഡാന്‍സ് ചെയ്യില്ലെന്ന നിലപാട് മാറ്റാന്‍ കാരണം; തുറന്ന് പറഞ്ഞ് രജിഷ വിജയന്‍

മലയാളത്തിലൂടെ കരിയര്‍ ആരംഭിച്ച്, തമിഴിലടക്കം സ്വന്തമായൊരു ഇടം…

10 hours ago

എപ്പോഴാണ് കല്യാണം തുറന്ന് പറഞ്ഞ് ശ്രുതി ഹാസന്‍

തന്റെ അഭിപ്രായങ്ങള്‍ വെട്ടിത്തുറന്ന് പറയുന്ന ശീലക്കാരിയാണ് ശ്രുതി…

10 hours ago

മകളുടെ മരണം തളര്‍ത്തി; തുറന്ന് പറഞ്ഞ് വിജയ് ആന്റണിയും ഭാര്യയും

സംഗീത സംവിധായകനും നടനുമായ വിജയ് ആന്റണിയുടെ മകളുടെ…

10 hours ago