വെള്ള ഗൗണിൽ രാജകീയ ലുക്ക്; പുതിയ ഫോട്ടോഷൂട്ടുമായി സ്വാസിക വിജയ്

മലയാള സിനിമയിലും ടെലിവിഷൻ രംഗത്തും ഒരുപോലെ തന്റേതായ സ്ഥാനം നേടിയ നടി സ്വാസിക വിജയ്യുടെ പുതിയ ഫോട്ടോഷൂട്ട് ചിത്രങ്ങളാണ് സോഷ്യൽ മീഡിയയിൽ ശ്രദ്ധ നേടുന്നത്. വെള്ളയും ഗോൾഡൻ നിറവും ചേർന്ന ഓഫ്-ഷോൾഡർ ഗൗണിൽ അതീവ സുന്ദരിയായാണ് താരം പുതിയ ചിത്രങ്ങളിൽ പ്രത്യക്ഷപ്പെട്ടിരിക്കുന്നത്. ഇൻസ്റ്റഗ്രാമിലൂടെ പങ്കുവെച്ച ചിത്രങ്ങൾക്ക് നിമിഷങ്ങൾക്കകം തന്നെ മികച്ച പ്രതികരണമാണ് ലഭിച്ചത്.

മിനിമൽ മേക്കപ്പും വേവി ഹെയർസ്റ്റൈലും സ്റ്റൈലിഷ് ആഭരണങ്ങളും ചേർന്ന ലുക്ക് ആരാധകരുടെ പ്രശംസ പിടിച്ചുപറ്റി.

ടെലിവിഷൻ അവതാരകയായും സീരിയൽ നടിയായും കരിയർ ആരംഭിച്ച സ്വാസിക പിന്നീട് മലയാള സിനിമയിൽ ശക്തമായ കഥാപാത്രങ്ങളിലൂടെ ശ്രദ്ധ നേടി. ‘വസന്തി’ എന്ന ചിത്രത്തിലെ അഭിനയത്തിന് മികച്ച സ്വഭാവനടിക്കുള്ള കേരള സംസ്ഥാന ചലച്ചിത്ര പുരസ്കാരം സ്വന്തമാക്കിയ താരം, വ്യത്യസ്ത കഥാപാത്രങ്ങളിലൂടെ സിനിമയിൽ സജീവ സാന്നിധ്യമാണ്.