ചെന്നൈ: തെന്നിന്ത്യന് ലേഡി സൂപ്പര്സ്റ്റാര് നയന്താരയും സംവിധായകന് വിഘ്നേഷ് ശിവനും ചെന്നൈയിലെ അതിസമ്പന്ന മേഖലയായ പോയസ് ഗാര്ഡനില് പുതിയ ആഡംബര വസതി സ്വന്തമാക്കി. 31.5 കോടി രൂപ വിലമതിക്കുന്ന ബൃഹത്തായ ഡ്യൂപ്ലക്സ് അപ്പാര്ട്ട്മെന്റാണ് താരദമ്പതികള് വാങ്ങിയത്. സൂപ്പര് താരം രജനീകാന്ത്, അന്തരിച്ച തമിഴ്നാട് മുന് മുഖ്യമന്ത്രി ജയലളിത എന്നിവരുടെ വസതികള് സ്ഥിതി ചെയ്യുന്ന പോയസ് ഗാര്ഡനിലെ ‘ലെഗസി’ പ്രൊജക്റ്റിലാണ് ഈ സ്വപ്ന ഭവനം.
പോയസ് ഗാര്ഡനിലെ ഈ വസതിയുടെ വലുപ്പവും സൗകര്യങ്ങളും ഏതൊരാളെയും അത്ഭുതപ്പെടുത്തുന്നതാണ്. നാല്, അഞ്ച് നിലകളിലായി വ്യാപിച്ചുകിടക്കുന്ന ഈ ഡ്യൂപ്ലക്സ് അപ്പാര്ട്ട്മെന്റിന് 14,369 ചതുരശ്ര അടി വിസ്തീര്ണ്ണമാണുള്ളത്. ചതുരശ്ര അടിക്ക് ഏകദേശം 21,946 രൂപ എന്ന നിരക്കിലാണ് ഈ വമ്പന് ഇടപാട് നടന്നത്. എട്ട് കാറുകള് പാര്ക്ക് ചെയ്യാനുള്ള വിശാലമായ പാര്ക്കിംഗ് ഏരിയയും ഈ ആഡംബര വസതിയുടെ ഭാഗമാണ്.
ചെന്നൈയ്ക്ക് പുറമെ മറ്റ് നഗരങ്ങളിലും നയന്താരയ്ക്ക് വന്തോതിലുള്ള നിക്ഷേപങ്ങളുണ്ട്. ഹൈദരാബാദിലെ ബഞ്ചാര ഹില്സില് 15 കോടി രൂപ വീതം വിലമതിക്കുന്ന രണ്ട് വീടുകളും കേരളത്തില് അതീവ ആഡംബരങ്ങളുള്ള കുടുംബവീടും താരത്തിനുണ്ട്. 2024-ല് നടന് ധനുഷ് 150 കോടിയുടെ ബംഗ്ലാവ് പണിതതോടെ വാര്ത്തകളില് നിറഞ്ഞ പോയസ് ഗാര്ഡനിലേക്കാണ് ഇപ്പോള് നയന്താരയും വിഘ്നേഷും തങ്ങളുടെ താമസം മാറ്റുന്നത്.
ആരാധകര്ക്കായി പുതിയ ചിത്രങ്ങള് പങ്കുവെച്ച് നന്ദന വര്മ്മ.…
ആരാധകര്ക്കായി പുതിയ ചിത്രങ്ങള് പങ്കുവെച്ച് അനുമോള്. ഇന്സ്റ്റഗ്രാമിലാണ്…
ആരാധകര്ക്കായി പുതിയ ചിത്രങ്ങള് പങ്കുവെച്ച് അനുശ്രീ. ഇന്സ്റ്റഗ്രാമിലാണ്…