മോഹന്ലാല് കാമിയോ റോളില് എത്തുന്ന രണ്ട് സിനിമകളാണ് ഇപ്പോള് അണിയറയില് ഒരുങ്ങിക്കൊണ്ടിരിക്കുന്നത്. നെല്സണ് ദിലീപ് കുമാര് സംവിധാനം ചെയ്യുന്ന രജനികാന്ത് ചിത്രം ‘ജയിലര് 2’, ദിലീപിനെ നായകനാക്കി ധനഞ്ജയ് ശങ്കര് ഒരുക്കുന്ന ‘ഭ.ഭ.ബ’
ഈ രണ്ട് സിനിമകള് കൂടാതെ ലാല് മറ്റൊരു ചിത്രത്തിലും കാമിയോ റോളില് എത്തുകയാണ്. ജയസൂര്യയെ നായകനാക്കി റോജിന് തോമസ് സംവിധാനം ചെയ്യുന്ന ‘കത്തനാര്’. ഗോകുലം ഗോപാലനാണ് ഈ ചിത്രം നിര്മിക്കുന്നത്. അനുഷ്ക ഷെട്ടി, പ്രഭുദേവ എന്നിവരും കത്തനാറില് അഭിനയിക്കുന്നു. ബിഗ് ബജറ്റില് ഒരുക്കുന്ന ഈ സിനിമയില് ലാല് ശ്രദ്ധേയമായ ഒരു കാമിയോ റോളില് എത്തുമെന്നാണ് വിവരം.
ലാലിന്റെ ഡേറ്റ് നോക്കിയായിരിക്കും ഇക്കാര്യത്തില് അന്തിമ തീരുമാനം. മോഹന്ലാലിനു ഡേറ്റ് ഇല്ലാതെ വന്നാല് പകരം സുരേഷ് ഗോപിയെ പരിഗണിച്ചേക്കുമെന്നും റിപ്പോര്ട്ടുകളുണ്ട്. ഗോകുലം മൂവീസുമായുള്ള അടുത്ത ബന്ധത്തെ തുടര്ന്നാണ് ലാല് ഈ ചിത്രത്തില് അതിഥി വേഷം ചെയ്യാന് സമ്മതിച്ചിരിക്കുന്നതെന്നും റിപ്പോര്ട്ടുകളുണ്ട്.
ദുൽഖർ സൽമാനെ നായകനാക്കി നഹാസ് ഹിദായത്ത് സംവിധാനം…
പരമ്പരാഗത കേരള സാരിക്ക് സമകാലിക സ്റ്റൈലിംഗ് ചേർത്ത്…
ലിജോ ജോസ് പെല്ലിശ്ശേരിയുടെ ആദ്യ സംവിധാന സംരംഭമായ…