സ്വന്തം വീട്ടുകാര്‍ക്ക് നാണക്കേടാകും എന്നതാണ് ചിന്ത; സ്‌നേഹ ശ്രീകുമാര്‍

പ്രേക്ഷകര്‍ക്ക് ഏറെ പ്രിയപ്പെട്ട താര ജോഡിയാണ് സ്നേഹയും ശ്രീകുമാറും. മഴവില്‍ മനോരമയിലെ മറിമായം എന്ന സീരിയലിലെ മണ്ഡോദരി എന്ന കഥാപാത്രം സ്നേഹയെ മലയാളികളുടെ ഇഷ്ടനടിയാക്കി. കോമഡി താരവും നടനുമായ ശ്രീകുമാറിനെയാണ് സ്നേഹ വിവാഹം ചെയ്തിരിക്കുന്നത്.

2019 ഡിസംബറില്‍ ആയിരുന്നു ഇവരുടെ വിവാഹം. സുഹൃത്തുക്കളായ ഇരുവരും ജീവിതത്തില്‍ ഒന്നിക്കാന്‍ തീരുമാനിക്കുകയായിരുന്നു. സോഷ്യല്‍ മീഡിയയിലൊക്കെ സജീവമാണ് രണ്ടുപേരും.

ഇപ്പോള്‍ സ്ത്രീധന പീഡന മരണങ്ങളെക്കുറിച്ച് പറയുകയാണ് താരം. ഈ കാലത്തും പെണ്‍കുട്ടികള്‍ ഇങ്ങനെ സഹിച്ചു കഴിഞ്ഞു അവസാനം മരണത്തിലേക്ക് എത്തുന്നത് എന്തുകൊണ്ട്, ചിന്തിക്കേണ്ട കാര്യമാണ്. പറ്റാത്ത സാഹചര്യങ്ങളില്‍ നിന്ന് മാറിപോന്നാല്‍ സമൂഹത്തില്‍ നിന്ന് ഉണ്ടാകുന്ന ചോദ്യങ്ങളും പരിഹാസങ്ങളും, സ്വന്തം വീട്ടിലുള്ളവര്‍ക്ക് നാണക്കേടാകും എന്ന ചിന്ത ഇതിലുമൊക്കെ കൂടുതല്‍ ആണ് സ്‌നേഹം കൊണ്ട് വിട്ടുപോരാന്‍ പറ്റാതെ നില്‍ക്കുന്നത്. എല്ലാം ശരിയാകും എന്ന വിശ്വാസത്തില്‍ തുടര്‍ന്ന് പോകുന്നത് എന്നും സ്‌നേഹ പറയുന്നു.