തീയേറ്ററില്‍ വരുന്നവര്‍ മാന്യമായ ഡ്രസ് ഇട്ടല്ലേ വരുന്നത്? നിങ്ങളെപ്പോലെ ബിക്കിനിയൊന്നുമല്ലല്ലോ ഇടുന്നത്; സാനിയയ്‌ക്കെതിരെ സന്തോഷ് വര്‍ക്കി

മോഹന്‍ലാല്‍ ആറാടുകയാണ് എന്ന ഒരൊറ്റ കമന്റ് കൊണ്ട് ട്രോളുകളില്‍ നിറഞ്ഞയാളാണ് സന്തോഷ് വര്‍ക്കി. പിന്നാലെ തനിക്ക് നിത്യ മേനോനെ ഇഷ്ടമാണെന്നും കല്യാണ് കഴിക്കണം എന്നു പറഞ്ഞും സന്തോഷ് വര്‍ക്കി രംഗത്ത് എത്തിയിരുന്നു.

സന്തോഷ് വര്‍ക്കിയെന്ന ആള്‍ നിരന്തരം ഇഷ്ടം പറഞ്ഞ് ശല്യപ്പെടുത്തുകയാണെന്ന് പറഞ്ഞ് നിത്യ മേനോന്‍ രംഗത്ത് വരികയും ചെയ്തിരുന്നു. ഇതോടെ കൂടുതല്‍ നടിമാരെ ഇഷ്ടമാണെന്നും സന്തോഷ് പറഞ്ഞു. പിന്നീട് സോഷ്യല്‍ മീഡിയയില്‍ പരിഹാസങ്ങളും കളിയാക്കലുകളുമൊക്കെയാണ് വൈറല്‍ താരത്തെ കാത്തിരുന്നത്.

ഇപ്പോള്‍ സാനിയ അയ്യപ്പന് മറുപടി നല്‍കുകയാണ് സന്തോഷ് വര്‍ക്കി. സാനിയ അയ്യപ്പന്‍ പറയുന്നു വനിത തീയേറ്ററില്‍ ഫാന്‍സി ഡ്രസ് ആണെന്ന്. അപ്പോള്‍ നിങ്ങള്‍ കാണിക്കുന്നത് എന്താണ്? ബിക്കിനി, ഫോട്ടോഷൂട്ട് ഇതൊന്നും ഫാന്‍സി ഡ്രസ് അല്ലേ? തീയേറ്ററില്‍ വരുന്നവര്‍ മാന്യമായ ഡ്രസ് ഇട്ടല്ലേ വരുന്നത്? നിങ്ങളെപ്പോലെ ബിക്കിനിയൊന്നുമല്ലല്ലോ ഇടുന്നത്. ഞങ്ങള്‍ എന്ത് തെറ്റാണ് ചെയ്യുന്നത്?” എന്നാണ് സന്തോഷ് വര്‍ക്കി പറഞ്ഞത്.