മീനയായിരുന്നില്ല, ദൃശ്യത്തില്‍ നായിക ശോഭന !

മലയാളത്തിലെ ആദ്യ 50 കോടി ചിത്രമാണ് ദൃശ്യം. ജീത്തു ജോസഫ് സംവിധാനം ചെയ്ത ചിത്രത്തില്‍ മീനയാണ് മോഹന്‍ലാലിന്റെ നായികയായി എത്തിയത്. എന്നാല്‍ സംവിധായകന്‍ ജീത്തു ജോസഫ് ദൃശ്യത്തിലെ നായികയായി ആദ്യം തീരുമാനിച്ചത് സാക്ഷാല്‍ ശോഭനയെയാണ് !

ദൃശ്യത്തിലേക്ക് ജീത്തു ജോസഫ് തന്നെ വിളിച്ചിരുന്നതായി വര്‍ഷങ്ങള്‍ക്കു ശേഷം ശോഭന തന്നെയാണ് വെളിപ്പെടുത്തിയത്. ദൃശ്യത്തിന്റെ തിരക്കഥ വരെ ജീത്തു ജോസഫ് ശോഭനയ്ക്കു അയച്ചിരുന്നു. എന്നാല്‍ താന്‍ ആ പ്രൊജക്ട് വേണ്ടെന്നു വയ്ക്കുകയായിരുന്നെന്ന് ശോഭന പറഞ്ഞു.

മറ്റു സിനിമകളുടെ തിരക്ക് കാരണമാണ് ശോഭന ദൃശ്യത്തോട് നോ പറഞ്ഞത്. ആ സമയത്ത് വിനീത് ശ്രീനിവാസന്റെ ‘തിര’ എന്ന ചിത്രം ചെയ്തുകൊണ്ടിരിക്കുകയായിരുന്നു ശോഭന. ഇക്കാരണത്താലാണത്രേ ദൃശ്യം ചെയ്യാന്‍ ശോഭനയ്ക്കു സാധിക്കാതിരുന്നത് !