നസ്രിയ നസീം, ബേസില് ജോസഫ് എന്നിവര് പ്രധാന കഥാപാത്രങ്ങളില് എത്തിയ സൂക്ഷ്മദര്ശനി എന്ന ചിത്രം തിയേറ്ററുകളില് മികച്ച പ്രതികരണം നേരെ മുന്നേറുന്നു. ആദ്യ ഞായറാഴ്ച ചിത്രത്തിന് വലിയ തരക്കേടില്ലാത്ത കളക്ഷന് ലഭിച്ചു എന്നാണ് പുറത്തുവരുന്ന വിവരം.
നവംബര് 22നായിരുന്നു ചിത്രം റിലീസായത്. ആദ്യദിനത്തില് ചിത്രം 1.55 കോടിയാണ് നേടിയത്. നവംബര് 23ന് ചിത്രം 3.04 കോടിയും ഞായറാഴ്ച നാല് കോടി രൂപയും നേടിയതായാണ് പുറത്തുവരുന്ന റിപ്പോര്ട്ടുകള് വ്യക്തമാക്കുന്നത്
എം സി ജിതിനാണ് സൂക്ഷ്മദര്ശിനിയുടെ സംവിധായകന്. ഹാപ്പി ഹവേര്സ് എന്റര്ടൈന്മെന്റ്, എവിഎ പ്രൊഡക്ഷന്സ് എന്നീ ബാനറുകളില് സമീര് താഹിര്, ഷൈജു ഖാലിദ്, എ വി അനൂപ് എന്നിവര് ചേര്ന്നാണ് ചിത്രം നിര്മ്മിക്കുന്നത്.
പ്രിയദര്ശിനി എന്ന കഥാപാത്രത്തെയാണ് ചിത്രത്തില് നസ്രിയ അവതരിപ്പിക്കുന്നത്. മാനുവല് ആയി ബേസിലും എത്തുന്നു. ദീപക് പറമ്പോല്, സിദ്ധാര്ഥ് ഭരതന്, മെറിന് ഫില്പ്പ്, അഖില ഭാര്ഗവന്, പൂജ മോഹന്രാജ്, കോട്ടയം രമേഷ്, ഗോപന് മങ്ങാട്ട്, മനോഹരി ജോയ്, റിനി ഉദയകുമാര്, ജയ കുറുപ്പ്, മുസ്കാന് ബിസാരിയ, അപര്ണ റാം, അഭിരാം പൊതുവാള്, ബിന്നി റിങ്കി, നന്ദന് ഉണ്ണി, നൗഷാദ് അലി, ആതിര രാജീവ്, മിര്സ ഫാത്തിയ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
സംവിധായകന് എം സി ജിതിന്, അതുല് രാമചന്ദ്രന് എന്നിവരുടെ കഥയ്ക്ക് എം സി ജിതിന്, അതുല് രാമചന്ദ്രന്, ലിബിന് ടി ബി എന്നിവര് ചേര്ന്നാണ് തിരക്കഥയും സംഭാഷണവും ഒരുക്കിയിരിക്കുന്നത്. ശരണ് വേലായുധന് ഛായാഗ്രഹണവും ക്രിസ്റ്റോ സേവ്യര് സംഗീത സംവിധാനവും നിര്വ്വഹിക്കുന്നു. ചമന് ചാക്കോയാണ് എഡിറ്റിംഗ്.
ഗ്ലാമറസ് ചിത്രങ്ങളും വീഡിയോയുമായി ജാനകി സുധീര്. ഇന്സ്റ്റഗ്രാമിലാണ്…
വിജയ് സേതുപതിയുടെ ആരാധകര്ക്ക് വിരുന്നൊരുക്കി 'സ്ലം ഡോഗി'ന്റെ…
ടിനി ടോമിനെതിരായ പരാതിയുമായി ബന്ധപ്പെട്ട് അന്സിബ ഹസനെ…
കേരളത്തില് നിന്ന് ഏറ്റവുമധികം കളക്ഷന് നേടുന്ന സിനിമകളുടെ…
സാധാരണക്കാരെ പോലെ ജീവിക്കാനാണ് പ്രണവ് മോഹന്ലാലിന് ഇഷ്ടം.…
വന് കളക്ഷന് നേടി മോളിവുഡ് ടൈംസ് മുന്നോട്ട്.…