എന്നെ മലയാള സിനിമയില്‍ നിന്ന് മാറ്റിനിര്‍ത്തിയിട്ടുണ്ട്: ഷംന കാസിം

മലയാള സിനിമയില്‍ നിന്ന് തനിക്ക് വിവേചനം നേരിട്ടിട്ടുണ്ടെന്ന് നടി ഷംന കാസിം. ഡാന്‍സ് ഷോ ചെയ്യുന്നതിന്റെ പേരിലാണ് പല സിനിമകളിലെ അവസരങ്ങളും നഷ്ടമായതെന്ന് ഷംന പറഞ്ഞു. ഡാന്‍സ് ഷോ ചെയ്യുന്നതിന്റെ പേരില്‍ തന്നെ മലയാള സിനിമയില്‍ നിന്ന് മാറ്റി നിര്‍ത്തിയിട്ടുണ്ടെന്നാണ് ഷംനയുടെ വാക്കുകള്‍. ദുബായില്‍ ആരംഭിച്ച ഷംന കാസിം ഡാന്‍സ് സ്‌കൂളില്‍ നടത്തിയ വാര്‍ത്താസമ്മേളനത്തിലാണ് ഷംന ഇക്കാര്യം പറഞ്ഞത്.

അമ്മ സംഘടനയില്‍ നിന്ന് ഇതുവരെ മോശം അനുഭവം ഉണ്ടായിട്ടില്ലെന്നും ഷംന പറഞ്ഞു. ഇപ്പോഴും അമ്മയില്‍ അംഗത്വം തുടരുന്നു. മലയാള സിനിമയിലെ ഇപ്പോഴത്തെ സംഭവങ്ങള്‍ മോശമാണെങ്കിലും അതെല്ലാം നല്ലതായി മാറുമെന്നും ഷംന പറഞ്ഞു.

സോഷ്യല്‍ മീഡിയയില്‍ സജീവ സാന്നിധ്യമാണ് ഷംന. തന്റെ ചിത്രങ്ങളും വിശേഷങ്ങളും താരം ആരാധകരുമായി പങ്കുവയ്ക്കാറുണ്ട്.