പ്രതിഫലത്തില്‍ മറ്റ് താരങ്ങളെ പിന്നിലാക്കി അല്ലു അര്‍ജുന്‍

പുഷ്പു റ്റുവിനായി അല്ലു അര്‍ജുന്‍ വാങ്ങിയത് റെക്കോര്‍ഡ് പ്രതിഫലം എന്ന് റിപ്പോര്‍ട്ട്. ചിത്രത്തിനായി അദ്ദേഹം 300 കോടി രൂപ പ്രതിഫലം വാങ്ങിയതായാണ് ഇപ്പോള്‍ ലഭിക്കുന്ന വിവരം.

നേരത്തെ വിജയിയായിരുന്നു ഏറ്റവും ഉയര്‍ന്ന പ്രതിഫലം വാങ്ങിയിരുന്നത്. ദളപതി 65 ന് വേണ്ടി 275 കോടി രൂപ പ്രതിഫലം വാങ്ങി എന്നായിരുന്നു ലഭിക്കുന്ന വിവരം. 250 കോടി രൂപ പ്രതിഫലമായി വാങ്ങിയ ഷാരൂഖാന്റെ റെക്കോര്‍ഡ് തകര്‍ത്തായിരുന്നു വിജയ് മുന്നിലെത്തിയത്. ഇപ്പോള്‍ പുറത്തുവരുന്ന കണക്കുകള്‍ പ്രകാരം ഇവരെ രണ്ടുപേരെയും അല്ലു അര്‍ജുന്‍ പിന്നിലാക്കി.

ഡിസംബര്‍ 5 നാ യിരിക്കും ചിത്രം കേരളത്തിലെ തീയറ്ററില്‍ എത്തുന്നത്. ആഗോള തലത്തില്‍ ഏറെ ശ്രദ്ധ നേടാന്‍ സാധ്യതയുള്ള ചിത്രമാണ് പുഷ്പ 2 എന്നാണ് വാര്‍ത്തകള്‍ സൂചിപ്പിക്കുന്നത്. 2021ല്‍ പുറത്തിറങ്ങി പാന്‍ഇന്ത്യന്‍ ചിത്രമായി മാറിയ പുഷ്പയുടെ രണ്ടാം ഭാഗമായാണ് പുഷ്പ 2 എത്തുന്നത്. ആദ്യ ഭാഗം സംവിധാനം ചെയ്ത സുകുമാര്‍ തന്നെ സംവിധാനം ചെയ്യുന്ന പുഷ്പ 2 നിര്‍മ്മിക്കുന്നത് മൈത്രി മൂവി മേക്കേഴ്‌സും സുകുമാര്‍ റൈറ്റിങ്‌സും ചേര്‍ന്നാണ്. അല്ലു അര്‍ജുന്‍, രശ്മിക മന്ദന, ഫഹദ് ഫാസില്‍ തുടങ്ങിയവര്‍ പ്രധാനവേഷത്തിലെത്തുന്നത്.

കഥതിരക്കഥസംവിധാനം: സുകുമാര്‍ ബന്ദ്‌റെഡ്ഡി, നിര്‍മ്മാതാക്കള്‍: നവീന്‍ യെര്‍നേനി, രവിശങ്കര്‍ യലമഞ്ചിലി, സിഇഒ: ചെറി, സംഗീതം: ദേവി ശ്രീ പ്രസാദ്, ഛായാഗ്രാഹകന്‍: മിറെസ്ലോ ക്യൂബ ബ്രോസെക്, പ്രൊഡക്ഷന്‍ ഡിസൈനര്‍: എസ്. രാമകൃഷ്ണമോണിക്ക നിഗോത്രേ, ഗാനരചയിതാവ്: ചന്ദ്ര ബോസ്, ബാനറുകള്‍: മൈത്രി മൂവി മേക്കേഴ്‌സ്, സുകുമാര്‍ റൈറ്റിംഗ്‌സ്, മാര്‍ക്കറ്റിംഗ് ഹെഡ്: ശരത്ചന്ദ്ര നായിഡു, പി. ആര്‍. ഒ: ഏലൂരു ശ്രീനു, മാധുരി മധു, ആതിര ദില്‍ജിത്ത്, മാര്‍ക്കറ്റിംഗ്: ഫസ്റ്റ് ഷോ എന്നിവരാണ് മറ്റ് അണിയറ പ്രവര്‍ത്തകര്‍.