പേരുകള്‍ അനുമതിയില്ലാതെ ഉപയോഗിക്കരുത്: മുന്നറിയിപ്പുമായി ഭ്രമയുഗത്തിന്റെ നിര്‍മ്മാതാക്കള്‍

ഭ്രയുഗം സിനിമയിലെ പേരുകള്‍ ഉള്‍പ്പെടെയുള്ള കാര്യങ്ങള്‍ ഉപയോഗിക്കരുതെന്ന നിര്‍ദ്ദേശം നല്‍കി നിര്‍മ്മാതാക്കള്‍. നൈറ്റ് ഷിഫ്റ്റ് സ്റ്റുഡിയോസിന്റെ ഔദ്യോഗിക സോഷ്യല്‍ മീഡിയ പേജ് വഴിയാണ് കോപ്പിറൈറ്റ് ഏര്‍പ്പെടുത്തിയ കാലം ഇവര്‍ അറിയിച്ചിരിക്കുന്നത്.

ഭ്രമയുഗം സിനിമയുടെ ലോഗോയും പേരും ട്രേഡ് മാര്‍ക്ക് ചെയ്തിട്ടുണ്ടെന്നും ചിത്രത്തിലെ ഘടകങ്ങള്‍ വാണിജ്യ ആവശ്യങ്ങള്‍ക്കായി അനുമതിയില്ലാതെ ഉപയോഗിക്കുന്നതിനെ നിയമപരമായി നേരിടും എന്നുമാണ് സോഷ്യല്‍ മീഡിയയില്‍ പങ്കുവെച്ച പ്രസ്താവനയില്‍ ഇവര്‍ വ്യക്തമാക്കിയിരിക്കുന്നത്.

എന്തെങ്കിലും അനുമതി ആവശ്യമുള്ളവര്‍ info@nightshift.studios.in എന്ന മെയില്‍ ഐഡി വഴി തങ്ങളെ ബന്ധപ്പെട്ടാല്‍ മതിയാകും. നാടകം, സ്‌കിറ്റ്, സ്റ്റേജ് പ്രോഗ്രാമുകള്‍, ഗാനങ്ങളുടെ കവര്‍ പതിപ്പുകള്‍, വാണിജ്യ ആവശ്യങ്ങള്‍ തുടങ്ങിയ എല്ലാ കാര്യത്തിനും ഇത്തരത്തില്‍ അനുമതി ആവശ്യമായി വരും എന്നാണ് ഇവര്‍ വ്യക്തമാക്കുന്നത്.