Mohanlal and DIleep
ദിലീപിനെ നായകനാക്കി നവാഗതനായ ധനഞ്ജയ് ശങ്കര് സംവിധാനം ചെയ്യുന്ന ‘ഭ.ഭ.ബ’യില് സൂപ്പര്താരം മോഹന്ലാല് അതിഥി വേഷത്തിലെത്തുമെന്ന് റിപ്പോര്ട്ട്. സിനിമയില് മറ്റൊരു പ്രധാന കഥാപാത്രത്തെ അവതരിപ്പിക്കുന്ന ധ്യാന് ശ്രീനിവാസന് ആണ് മലയാളത്തില് നിന്നുള്ള ഒരു വലിയ താരം ഭ.ഭ.ബയില് കാമിയോ റോളില് എത്തുമെന്ന സൂചന നല്കിയത്.
‘ നമ്മുടെ നാട്ടില് നിന്ന് തന്നെയുള്ള വലിയൊരു ആള് ഈ സിനിമയില് ഉണ്ടാകാന് സാധ്യതയുണ്ട്. ഭ.ഭ.ബ 2 സീക്വല് പോലെയൊക്കെ പ്ലാനിങ് ഉണ്ട്. ഫസ്റ്റ് പാര്ട്ട് നന്നായാല് സെക്കന്റ് പാര്ട്ട് വരാന് സാധ്യതയുണ്ട്,’ ധ്യാന് പറഞ്ഞു. ധ്യാന് പറഞ്ഞ സൂപ്പര് താരം മോഹന്ലാല് ആണെന്നാണ് ഇപ്പോള് പുറത്തുവരുന്ന റിപ്പോര്ട്ട്.
ഗോകുലം മൂവീസിന്റെ ബാനറില് ശ്രീ ഗോകുലം ഗോപാലന് നിര്മിക്കുന്ന ‘ഭ.ഭ.ബ’യുടെ ചിത്രീകരണം ജൂലൈ 14 നാണ് ആരംഭിച്ചത്. കോമഡിക്ക് അപ്പുറം മാസ് ആക്ഷന് അഡ്വഞ്ചര് ഗണത്തില് ഉള്പ്പെടുന്ന സിനിമ കൂടിയാണ് ഇത്. ദിലീപിന്റെ മാസ് രംഗങ്ങള് അടക്കം ചിത്രത്തിലുണ്ടെന്നാണ് പുറത്തുവരുന്ന റിപ്പോര്ട്ട്. സിദ്ധാര്ത് ഭരതന്, ബാലു വര്ഗീസ്, ബൈജു സന്തോഷ്, അശോകന്, സലിം കുമാര്, ജി.സുരേഷ് കുമാര്, ബിജു പപ്പന്, ദേവന്, വിജയ് മേനോന്, നോബി, റിയാസ് ഖാന്, സെന്തില് കൃഷ്ണ, റെഡിന് കിംഗ് സിലി, കോട്ടയം രമേഷ്, ഷമീര് ഖാന് (പ്രേമലു ഫെയിം), ഷിന്സ്, ശരണ്യ പൊന് വണ്ണന്, നൂറിന് ഷെരീഫ്, ധനശ്രീ, ലങ്കാ ലഷ്മി എന്നിവര്ക്കൊപ്പം പ്രശസ്ത കോറിയോഗ്രാഫര് ശാന്തി കുമാറും ഈ ചിത്രത്തില് പ്രധാന വേഷത്തില് എത്തുന്നു.
കഠിനധ്വാനവും അര്പ്പണബോധവും കൊണ്ട് മാത്രമേ പൂര്ണമായ ഫിറ്റ്നസ്…
മിനിസ്ക്രീന് പ്രേക്ഷകര്ക്ക് ഏറെ സുപരിചിതയാണ് അശ്വതി ചാന്ദ്…
സിനിമയ്ക്കു സമൂഹത്തിലുള്ള സ്വാധീനത്തെക്കുറിച്ചും സിനിമാപ്രവര്ത്തകരുടെ ഉത്തരവാദിത്തങ്ങളെക്കുറിച്ചും തുറന്നുപറഞ്ഞ്…
'പ്രേമം' എന്ന സിനിമ നിവിന് പോളിയുടെ കരിയറില്…
അമ്മയായി ജീവിതത്തിലെ പുതിയ ഘട്ടത്തിലൂടെയാണ് കത്രീന കൈഫ്…
രാഹുൽ സദാശിവൻ സംവിധാനം ചെയ്ത ഹൊറർ ത്രില്ലർ…