മാര്‍ട്ടിന്‍ പ്രക്കാട്ടും കുഞ്ചാക്കോ ബോബനും വീണ്ടും ഒന്നിക്കുന്നു

മാര്‍ട്ടിന്‍ പ്രക്കാട് സംവിധാനം ചെയ്യുന്ന പുതിയ ചിത്രത്തില്‍ കുഞ്ചാക്കോ ബോബന്‍ പ്രധാന വേഷത്തില്‍ എത്തുന്നു. കുഞ്ചാക്കോ ബോബന് പുറമേ സജിന്‍ ഗോപുവും ചിത്രത്തില്‍ പ്രധാന വേഷം കൈകാര്യം ചെയ്യുമെന്ന് റിപ്പോര്‍ട്ടും പുറത്തുവരുന്നുണ്ട്. നായാട്ടിനു ശേഷം മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന ഈ സിനിമ നവംബര്‍ ആദ്യവാരത്തോടെ ഷൂട്ടിംഗ് ആരംഭിക്കും.

പ്രിയാമണി ആയിരിക്കും ചിത്രത്തിലെ നായിക. സജിന്‍ ഗോപുവിന് പകരം ബിജുമേനോനെയായയിരുന്നു ആദ്യം ചിത്രത്തില്‍ പ്രധാന വേഷത്തില്‍ അഭിനയിക്കാന്‍ തീരുമാനിച്ചിരുന്നത്. എന്നാല്‍ ബിജുമേനോന് ഡേറ്റ് ഇല്ലാത്തതിനാലാണ് പിന്നീട് ആവേഷം സജിന്‍ ഗോപുവിന് നല്‍കിയത്.

മാര്‍ട്ടിന്‍ പ്രക്കാട്ട് കുഞ്ചാക്കോ ബോബന്‍ കൂട്ടുകെട്ടില്‍ ഇറങ്ങിയ നായാട്ട് മികച്ച പ്രതികരണം നേടിയിരുന്നു. 2021 ല്‍ പുറത്തിറങ്ങിയ നായാട്ട് ഒരു ത്രില്ലര്‍ ചിത്രമായിരുന്നു. കുഞ്ചാക്കോ ബോബന് പുറമെ ജോജു ജോര്‍ജ്, നിമിഷ സജയന്‍ എന്നിവരും പ്രധാന വേഷത്തില്‍ എത്തിയിരുന്നു.