ഒറ്റയ്ക്ക് ജീവിക്കുമ്പോഴാണ് ഞാന്‍ ബെസ്റ്റാകുന്നത്: കനി കുസൃതി

പ്രശസ്ത ചലച്ചിത്ര നടിയും മോഡലുമാണ് കനി കുസൃതി. സാമൂഹ്യ പ്രവര്‍ത്തകരും പ്രമുഖ യുക്തിവാദികളുമായ ഡോ. എ.കെ. ജയശ്രീയുടെയും, മൈത്രേയ മൈത്രേയന്‍െയും മകളായി തിരുവനന്തപുരത്ത് ജനിച്ചു.

2009ല്‍ പുറത്തിറങ്ങിയ കേരള കഫേ എന്ന ചിത്രത്തിലൂടെയാണ് ശ്രദ്ധിക്കപ്പെടുന്നത്. ബിരിയാണി എന്ന ചലച്ചിത്രത്തിലൂടെ 2019ല്‍ മികച്ച നടിക്കുള്ള കേരളസംസ്ഥാന ചലച്ചിത്ര പുരസ്‌കാരം ലഭിച്ചിരുന്നു.

ഇപ്പോള്‍ വിവാഹത്തെക്കുറിച്ചുള്ള തന്റെ കാഴ്ചപ്പാടിനെക്കുറിച്ച് പറയുകയാണ് താരം. രണ്ട് വ്യക്തികള്‍ തമ്മില്‍ കൂടിച്ചേരല്‍ ആഘോഷിക്കണമെന്ന് ആഗ്രഹിക്കുമ്പോള്‍ ചെയ്യുന്ന കാര്യമാണ് കല്യാണം. അത് തോന്നുമ്പോള്‍ ചെയ്യുക. എല്ലാം പങ്കുവെക്കാന്‍ ഒരാള്‍ ഉണ്ടായിരിക്കുക, ഉത്തരവാദിത്വങ്ങള്‍ ഏറ്റെടുക്കാന്‍ ഒരാള്‍ ഉണ്ടാവുകയെന്നത് നല്ല കാര്യമാണ്. റിലേഷന്‍ഷിപ്പില്‍ ഉണ്ടായിരുന്ന ആളായത് കൊണ്ടും ആളുകളുടെ കൂടെ ഒരുമിച്ച് ജീവിച്ചിട്ടുള്ളത് കൊണ്ടും എനിക്ക് മനസിലായത് ഞാന്‍ എന്റെ ബെസ്റ്റ് ഒറ്റയ്ക്ക് ജീവിക്കുമ്പോള്‍ ആണെന്നാണ് എന്നാണ് താരം പറയുന്നത്.